香港茶餐廳 (Closed)

咁o岩係報紙見到有優惠券平幾蚊，同朋友去開呢區，咪試下黃先生名下的茶餐廳。我平時去開茶餐廳多數食常餐，即類似早餐有通心粉果種，既然黎到當然食番呢類咪知係唔係真功夫啦! 至於朋友就食豬扒炒公仔麵，我地兩杯都係要招牌熱奶茶。常餐超唔掂，形叉燒，食落去硬硬咁，味道又怪怪咁。湯底似係金寶忌廉雞湯果種，即罐頭湯啦! 都唔係真功夫，用罐頭湯。多士烘得麻麻地，唔係好夠熱。招牌熱奶茶仲失望，唔話招牌仲好，要求唔會高，只可以話係一杯一般的奶茶，如果係招牌，我諗即係冇~豬扒炒公仔麵尚算OK啦! 不過不失。