Video
Opening Hours
Mon - Sun
07:00 - 22:00
Above information is for reference only. Please check details with the restaurant.
咁o岩係報紙見到有優惠券平幾蚊，同朋友去開呢區，咪試下黃先生名下的茶餐廳。我平時去開茶餐廳多數食常餐，即類似早餐有通心粉果種，既然黎到當然食番呢類咪知係唔係真功夫啦! 至於朋友就食豬扒炒公仔麵，我地兩杯都係要招牌熱奶茶。常餐超唔掂，形叉燒，食落去硬硬咁，味道又怪怪咁。湯底似係金寶忌廉雞湯果種，即罐頭湯啦! 都唔係真功夫，用罐頭湯。多士烘得麻麻地，唔係好夠熱。招牌熱奶茶仲失望，唔話招牌仲好，要求唔會高，只可以話係一杯一般的奶茶，如果係招牌，我諗即係冇~豬扒炒公仔麵尚算OK啦! 不過不失。
continue reading
正所謂拜得神多自有神庇佑！去完黃大仙還神都差唔多下午一點，於是去隔離嘅龍翔商場醫醫肚！ 睇完商場水牌，就扑槌呢間香港茶餐廳！去到唔太多人，裝潢都算光猛闊落！揀左一陣，終於揀左是日午餐A：香茅豬扒煎腸仔意粉（跟湯和餐飲, $38）！不過我揮左好耐手先至有侍應黎落單。。。。整體上，成碟午餐A都乾爭爭 ，因為意粉又冇汁拌，味道好單寡！ 雖然係咁，但意粉Ｄ口感就ＯＫ，幾彈牙又唔覺稔！至於塊香茅豬扒就好乾身，質感好硬又唔夠稔而且食落有渣 ，最重要係Ｄ香茅唔太入味，似普通煎豬扒多Ｄ ，所以我用附上嘅薑蔥蓉撈黎食！另外，煎腸仔就一般，冇咩意見！餐湯（合掌瓜湯）：一碗有２舊瓜，但味道淡如水！ 都係放棄，飲我的餐飲好過！
continue reading
成間鋪都貴到hihi性價比完全係零但唯一值得一試既係淨牛腩+白飯D淨牛腩真係好正，夠味又夠軟，口感一流牛腩唔係易整既食物，住家菜亦好難整得好食試過其他地方ｄ牛腩，呢家真係最正果家唔計其他因素，淨係去食淨牛腩都值不過埋單都係好貴,大約係＄５６
continue reading
星期二搵食搵左一段時間,後來發現了這裏,同朋友就係度開餐啦.呢間茶餐廳都幾大間的呀,見周圍都貼左poster寫住4大天王,都幾吸引呀,本來我想叫4大天王其中一樣蕃茄薯仔湯通粉的,不過要早上先有,於是叫左一碗紫菜肉碎蠔仔粥,朋友就叫左一碗魚蛋米,這個係佢地既4大天王其中之一架, 等左唔係好耐就食得啦,我的蠔仔粥都幾大碗喎,滿晒,有些芫茜及蔥,好多蠔仔架,蠔仔仲要都幾大隻,味道都幾好喎,蠔仔冇鯹味,我本身唔食芫茜及蔥的,不過唔知佢有咁多所以冇走到,不過加埋一齊食可以帶出蠔既鮮味及蓋過鯹味,飯及肉碎的份量都好多的呀,仲要紫紫,一碗都食唔晒,食到好碗呀!!朋友的魚蛋米個樣好清,不過魚蛋真的好大粒,仲要係好滑既,poster話係好似湯丸咁滑,都幾似,我試左一粒,好爽及彈牙的呀,好味道.
continue reading
龍翔中心領滙旗下的商店租金昂貴，搞得好好一間屋村茶餐廳有商業區的價錢，但又不見得質素高～看看餐牌，一碗粥加一碟腸粉，差不多要三十五元，真夠賺的，無耐升斗市民既脂膏要比抽的啦。點了個芙容蛋飯，三十五元，價貴材料平，就只見蛋加蒽加叉燒，不如叫碟火腿奄列疊起白飯上面。蛋也煎焦了。上枱時連豉油也沒給，實在不理解芙蓉蛋飯的真諦呢～我食過好吃的，蛋是半煎半炒，以蔥，洋蔥，韮黃，叉燒炒～半炒的蛋流有蛋漿拌飯才是王道，回想這間，真令人不爽呢。
continue reading