135
32
22
Level3
53
0
唔明點解咁多好評
2021-10-04 1005 views
見Alva 口碑好，好有期望咁去試一試，點知失望而回。生蠔唔算肥美，中規中矩咁囉，開蠔位長期有龍煎鴨肝嗰位廚師隔咗成個鐘先開始煎，條龍又係長期都咁多人。之前煎咗一轉和牛跟住就吉咗好耐先煎鴨肝。之後中間又要等好耐先再煎一轉，件肝仲要一開三，每舊都好細粒，每人限攞一件，排到無癮。總之煎肝嗰位廚師態度都係麻麻，一副「話之你食唔食到」咁嘅面口，後尾換咗另一個師傅煎鴨肝先至好啲。唔知係咪有人投訴所以換廚師龍蝦係多膏嘅，但size時大時細，唔多standard 服務真係麻麻，啲waiter掛住傾計，明明喺隔離都要叫到第四次先有反應。片皮鴨同乳豬啲皮都係唔多脆。啲位排得好密，攪到攞嘢食嗰條巷都有啲迫迫地嘅感覺，去佢個廁所仲闊落過攞嘢食條巷。我以為因為多客所以啲位要排咁密，點知又好多張吉枱。唔知係no show定係佢要隔枱坐。但我哋坐嗰度又無隔枱坐總之成個體驗麻麻，應該唔會再去。book唔到無損失
Read full review
見Alva 口碑好，好有期望咁去試一試，點知失望而回。

生蠔唔算肥美，中規中矩咁囉，開蠔位長期有龍

煎鴨肝嗰位廚師隔咗成個鐘先開始煎，條龍又係長期都咁多人。之前煎咗一轉和牛跟住就吉咗好耐先煎鴨肝。之後中間又要等好耐先再煎一轉，件肝仲要一開三，每舊都好細粒，每人限攞一件，排到無癮。總之煎肝嗰位廚師態度都係麻麻，一副「話之你食唔食到」咁嘅面口，後尾換咗另一個師傅煎鴨肝先至好啲。唔知係咪有人投訴所以換廚師

龍蝦係多膏嘅，但size時大時細，唔多standard

服務真係麻麻，啲waiter掛住傾計，明明喺隔離都要叫到第四次先有反應。

片皮鴨同乳豬啲皮都係唔多脆。

啲位排得好密，攪到攞嘢食嗰條巷都有啲迫迫地嘅感覺，去佢個廁所仲闊落過攞嘢食條巷。

我以為因為多客所以啲位要排咁密，點知又好多張吉枱。唔知係no show定係佢要隔枱坐。但我哋坐嗰度又無隔枱坐

總之成個體驗麻麻，應該唔會再去。book唔到無損失
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2021-10-01
Waiting Time
15 Minutes (Dine In)
Spending Per Head
$630 (Dinner)
Celebration
Anniversary