Video
Read full review
2009-02-22
5 views
昨晚跟一班嘩鬼到開飯網劣評如潮嘅菲律賓會bbq，一行17人，重點都係見吓面，吹吓水，食物質素呀，招呼周唔周到呀呢d......全部都係小問題﹗不過都有嘢講：1. 食物，記憶之中，我全晚都係食腸仔、丸類同蒜蓉包，其他都好似有扖類，不過138任飲任食，你想有d乜高質素嘅食物比你呢？咁基本上，成晚成咁多丸同腸，再加上食左一隻雞中翼，一定飽啦﹗2. 佢啤酒任飲，仲有忌廉可樂個d都係任飲，我成晚都好似飲左半打啤酒，啤酒都有幾款，我飲左幾罐珠江潮啤（都唔知咩黎？）3. 地方實在太迫，好彩我地係坐單邊，唔使比兩邊夾攻，但係每次行出去攞嘢食都要穿過一條大造木人巷，又迫又窄，加上又有爐，細路仔又冇地方玩同行，實在太危險4. 燒燒吓，又有少少毛毛雨，我地問waiter攞把太陽傘，佢一句答「冇」；有冇攪錯呀?成個club搵把太陽傘都冇？跟住再搵個經理問吓，又有wor......即係點？5. 食左成晚，我只對雞中翼有印象，佢yep得幾入味，燒起上黎都好香，放入口仍然好juicy，成個晚上最安慰的食物；其他丸類同腸仔都係同你自己係supermarket買的一樣。138連開爐費回唔回到本？我諗應該回唔到
1. 食物，記憶之中，我全晚都係食腸仔、丸類同蒜蓉包，其他都好似有扖類，不過138任飲任食，你想有d乜高質素嘅食物比你呢？咁基本上，成晚成咁多丸同腸，再加上食左一隻雞中翼，一定飽啦﹗
2. 佢啤酒任飲，仲有忌廉可樂個d都係任飲，我成晚都好似飲左半打啤酒，啤酒都有幾款，我飲左幾罐珠江潮啤（都唔知咩黎？）
3. 地方實在太迫，好彩我地係坐單邊，唔使比兩邊夾攻，但係每次行出去攞嘢食都要穿過一條大造木人巷，又迫又窄，加上又有爐，細路仔又冇地方玩同行，實在太危險
4. 燒燒吓，又有少少毛毛雨，我地問waiter攞把太陽傘，佢一句答「冇」；有冇攪錯呀?成個club搵把太陽傘都冇？跟住再搵個經理問吓，又有wor......即係點？
5. 食左成晚，我只對雞中翼有印象，佢yep得幾入味，燒起上黎都好香，放入口仍然好juicy，成個晚上最安慰的食物；其他丸類同腸仔都係同你自己係supermarket買的一樣。
138連開爐費回唔回到本？我諗應該回唔到﹗不過對於我係同d朋友一齊黎嘅，食物已經唔係主題了﹗如果你對食物好執著，我建議你唔好去﹗
Post