焱丸水產

Open Now

Now Closed

已經唔係第一次食焱丸水產，質素穩定，食物多選擇，每次嚟食都唔會失望。刺身5盛 $280 當日有帆立貝、油甘魚、赤身、三文魚、海膽，其中油甘魚同赤身最滋味，魚香豐富。海膽creamy，但略嫌味道唔夠濃郁。甜蝦刺身 $68 鮮甜新鮮，$68有5隻甜蝦，感覺上略貴。麻醬蕃茄豆腐沙律 $58 超推介！平時沙律都係以蔬菜為主，呢個係以豆腐為主，我就最鍾意食豆腐㗎喇😋 滑溜豆腐加上香醇麻醬，又香又滑，仲有蕃茄、蔬菜、粟米片，又fresh又有口感。蟹味增甲羅燒 $68、黑松露蟹肉甲羅燒 $68 第一次食混入黑松露嘅甲羅燒，混合得均勻，成個都帶有黑松露香，但難免會蓋過少少蟹香，所以如果想嘆蟹香嘅就叫原味，不過我overall都係鍾意黑松露味多啲。鮑魚殼燒 $68/隻 彈牙帶焦香，食得一隻唔多夠喉。帶子磯燒 $78/隻 燒完出嚟好香，個汁好鮮甜，令到本身較淡味嘅帶子提鮮。溫泉蛋天婦羅 $70 不得了，第一次食溫泉蛋嘅天婦羅，外皮甜甜哋。咬開時要小心辣親，因為入面超流心，我會為咗呢個再幫襯😛冷蕎麥 $55 除咗有冷麵汁外，亦提供埋鵪鶉蛋、蔥花畀你點，令冷麵味道更多層次。巨峰梳打 $48、檸檬可樂highb