稻坊 (曼坊) (Closed)

今日同屋企人去飲茶, 帶位果個知客都已經出事, 帶緊我地行去果陣有人捉住佢傾計, 佢居然停低同人傾番陣先, 我唔信你同個客講話帶埋位先轉頭傾會唔得既, 我地就咁企係度望住佢地傾計之後坐低寫點心, 遞左第一張點心紙落單先, 五分鐘後我再落多轉特價點心, 居然等多三四個字先有第一碟點心, 仲係第二轉特價點心果D, 第一轉既潮州粉果都要再遲D先送到, 然後就有位小姐話小籠包賣晒, OK, 賣晒你通知我, 我無問題, 咁但係小籠包係我第二轉落既ORDER, 第一轉果D已經過左半個鐘都仲有3碟未到, 再過多陣先突然有碟時菜牛肉走番出黎, 但係碟牛肉腸同擂沙湯圓仍然下落不明其間嗌多支啤酒, 又係無晒影, 追左第二次先黎, 原來落單果個唔記得左後尾唔想等, 諗住叫佢埋單, 一拎張卡同佢講左句:我走喇, 但係.....個部長已經急不及待咁講埋單出面柜台, 都唔等人講埋先你話佢間舖忙咩, 我又唔覺佢忙過荃灣或者旺角分店, 但係D樓面真係好唔掂, 好遊魂囉食過既紅棗糕又濕又唔夠味, 食潮州粉果又無潮式辣油, 其他就一般般啦比起同區酒樓, 算貴價, 但佢又無名樓富臨咁好味, 有小量特價點心或者套餐, 但又唔