洋食商店 (利奧坊)

Open Now

Now Closed

食物質素還好，雖然舊牛就明顯未解凍完就拎出嚟，食落去味道正常。但食到尾先問我哋要唔要水，佢哋係無主動俾水，不過都事少。但女店員態度其差。每次我同朋友講緊嘢，店員都會截斷對話介紹餸菜，時機錯晒。舊牛我都未食完就問我拎返隻碟要上下一款肉，其實佢拎多隻碟唔係好難咋話？之後我已經無晒心情同朋友繼續傾落去。一入去時佢話每人低消$200，我哋聽唔清楚叫佢講多次時，佢仲要勁唔耐煩咁重覆一次。9:30pm趕住收碟，收碟仲要勁大聲趕客。埋單$636兩個人，但服務態度差到咁，趕收工我會建議佢直情唔好返工。