Three Bros Chicken Pocha

Open Now

Now Closed

之前食過幾次，食品質素叫做OK但係性價比不高，不過勝在佢唔會趕客，冇時限，所以今次係第三次去食，純粹係搵地方聚一聚食一個飯，四個人叫咗兩個餐，加埋啤加3支啤酒，埋單1200百幾， 之前嚟食都係自己動手燒，今次見到有人幫手燒好晒亦都幾好食，不過食得好趕，食完啲嘢食韓國嗰啲腌菜都冇乜點加俾我哋，但係我哋仲有啲酒未飲晒，咁咪齋飲酒，喺度傾吓偈囉，點知佢哋走來叫我哋埋單，我當時話俾佢知我仲有杯酒未飲完佢都唔理叫我哋埋單，環顧四周其他枱都冇呢個待遇，唯一嘅分別就係我哋全女班。溫馨提示大家如果要再去食嘅時候，最好唔好一次過叫晒所有嘅食物，慢慢一個一個點，最好有男士一齊去。