鉄火堂 (厚福街)

Open Now

Now Closed

鐵火堂一向都係以抵食見稱嘅，所以今日行過尖沙咀區就去佢喺厚福街嘅分店再試吓佢啲壽司飯啦。今次我食嘅就係佢藍鯨吞拿魚再加四款刺身嘅套餐啦，我揀咗油甘魚、赤蝦、火炙左口魚邊、穴子，上到枱，可以見到碗師範係非常之豐富嘅，刺身係鋪滿花面望落去係非常之吸引，啲魚生食落去係好新鮮，一啲雪味都冇，可以讚嘅係佢嘅火灸左口魚邊係非常之充滿油分，咬落口係非常之甘香嘅，又香可以持續喺口入面幾秒都唔散，值得一讚！至於赤蝦，都係非常之新鮮，咬落口氣爽甜嘅，如果分量多一隻就好啦！至於其他嘅赤身都不過不失！除咗壽司飯佢仲包左一碗嘅麵豉湯，碗湯都應該同市面嘅冇咩分別，所以就唔多講啦。同埋可以提一提嘅就係你嘅壽司飯同埋白飯都可以免費添加所以你覺得唔夠飽嘅話都可以隨便叫店員幫你追加白飯㗎 ！