Video
Read full review
2009-08-26
31 views
供應時間係15:30-17:3015:35入座~餐廳已座左約7成,Orcer左3 位high tea set~Book枱時問過waiter~佢話6件甜點可以自己o係門口甜品櫃入面揀~點知落order時~個waiter話已set好~冇得揀~算啦~橫豎我地有3個人~應該可以試到大部份既款式….此tea set每人有6件鹹點, 5件mini size既甜點, 1件 regular size 既甜點~兩位友人都先要左cappuccino, 竟然唔需要加錢….等左起碼15mins~貌似高音譜號既架徐徐送到…及後仲有白多士(不計在6件鹹點內)+三色醬料…因為見到藍白色格仔麵包袋瑟縮o係水吧位~先發現呢度竟然用生命麵包…幸好~多士夠脆…三色醬料有香而滑既牛油, 加左黑芝麻既楓蜜, 有果肉既士多啤梨Jam~三款醬各有各特色…我就愛油占配搭...^^6件鹹點包括煙三文魚麥包多士: 味道普通, 有少少煙肉粒既吉列薯仔卷: 唔油膩~脆脆的幾好食~千島醬釀脆餅, 醬較鹹~冇咩特別…, 茄醬pizza角: 冇咩味~好普通.., 芝士puff: 一口鬆開既感覺~cream cheese帶鹹香, 最後亦最飽肚既素闊
15:35入座~餐廳已座左約7成,
Orcer左3 位high tea set~
Book枱時問過waiter~佢話6件甜點可以自己o係門口甜品櫃入面揀~
點知落order時~個waiter話已set好~冇得揀~
算啦~橫豎我地有3個人~應該可以試到大部份既款式….
此tea set每人有6件鹹點, 5件mini size既甜點, 1件 regular size 既甜點~
兩位友人都先要左cappuccino, 竟然唔需要加錢….
等左起碼15mins~貌似高音譜號既架徐徐送到…
及後仲有白多士(不計在6件鹹點內)+三色醬料…
因為見到藍白色格仔麵包袋瑟縮o係水吧位~先發現呢度竟然用生命麵包…
幸好~多士夠脆…
三色醬料有香而滑既牛油, 加左黑芝麻既楓蜜, 有果肉既士多啤梨Jam~
三款醬各有各特色…我就愛油占配搭...^^
6件鹹點包括煙三文魚麥包多士: 味道普通,
有少少煙肉粒既吉列薯仔卷: 唔油膩~脆脆的幾好食~
千島醬釀脆餅, 醬較鹹~冇咩特別…, 茄醬pizza角: 冇咩味~好普通..,
芝士puff: 一口鬆開既感覺~cream cheese帶鹹香,
最後亦最飽肚既素闊麵: 分別夾左青, 紅, 黃椒o係入面, 我揀左黃椒o個個食~
唔鍾意闊麵質感太厚~好似食緊麵粉咁~
三人total有十五件mini size甜點, 多數都係Danish, 鮮果撻, 同mousse 撻.
大部份都係share一齊食~所以食過既款式太多, 只係寫d印象較深刻.
其實Gvsto既撻做得唔錯~充滿牛油香又鬆脆~冇唔新鮮既死實感覺..
合桃撻既合桃好香…冇澀味~另外蘋果撻同玉桂味道夾得岩岩好
mignon pastries有士多啤梨, 奇異果等生果口味~mousse做得滑..
牛油撻皮上面仲有薄薄既朱古力脆片……
仲有蛋糕鬆軟既拿破崙蛋糕…香甜奶油吉士danish…
一款出名既甜品bomboloncini ,其實即係兩件donut, 中間有吉士cream痴埋~
質感軟熟~唔多油…^^
小巧既puff都做得唔錯~
其實每件都好精緻,顏色吸引…
而家講埋3件regular size既甜品,
Tiramisu 好 creamy, 但芝士味同酒味都唔重~ 蛋糕部份濕左d~ o係 Mascarpone cheese入面加左好多朱古力粒, 令口感更豐富...
呢個我會叫佢做朱古力版既tiramisu..因為食落似chocolate cake多d~
另外一款雖然唔知道個名~但係一望就知道我會幾鍾意食~因為有到好多nuts~
食落churchy , 蛋糕呈淡綠色~似係開心果蛋糕…
最緊要係唔太甜同cream 唔多~
夾o係蛋糕入面既Nuts我估最少有杏仁, 榛子, 同合桃三款~
最後一個又係撻….哈哈~之前d mignon pastries多數都係牛油撻~
而家再黎個大既~望落去仲以為只係普通fruits tart,
食落去就知有分別喇….
撻上面放左火龍果片, 奇異果片同提子~
我都唔知入面奶白色既野算唔算係吉士…因為食落極滑…
好似飲緊燉蛋白~亦因為咁滑~切開個tart既時候d蛋白係會流出黎架~
呢個牛油撻皮味道較之前的甜~因為係加左一片又甜又脆既焦糖o係上面….
幸好唔甜既蛋白可以有中和作用~
我係食到差唔多最尾先叫我杯cappuccino..因為我要以甜食伴飲~
一上枱先發現同兩位友人的有分別~
就係我o個杯既奶泡係拉左花, 而佢地既cappuccino係普通泡泡款…
估計係唔同人沖又或者一開始時太忙~冇心情拉花卦…
一讚咖啡香濃~…冇澀味~
呢度環境幾舒適..以白色為主~有window seat及sofa seat~
下午時分~微暖既太陽晒入餐廳~
飲住咖啡又食cake~感覺真寫意………
用左雜誌coupon有9折~每人$70都唔駛~
確實係抵食~
Post
