OMG Chicken (Closed)

今日收工去左澳南海岸附近食呢間OMG chicken，除左雞之外，佢地仲有其他野食例如意粉，意大利飯等等，今次我地叫左個二人餐試下。   二人餐 $328   是日餐湯配蒜蓉包 今日既餐湯係羅宋湯，用料都幾多，蒜蓉包好香口好脆。   OMG多國海鮮拼盤 海鮮拼盤賣相都幾精緻，擺盤精美，每樣都係一口既份量，有帶子，煙三文魚，黑松露大蝦，蟹子墨魚，吞拿魚醬多士，中間仲有沙律菜，每樣都係用料新鮮，清爽美味。   OMG烤雞 烤雞可以揀唔同既醬汁，今次我地揀左墨西哥香辣汁，意外地佢地既香辣汁唔算非常辣，應該普通人都可以接受到，烤雞烤得非常JUICY，肉質嫩滑，令人食到停唔到口。   意式海鮮意大利飯 意大利飯既汁好香濃，加上有好多忌廉同芝士，口感細滑，上面鋪滿海鮮，兩個人share岩岩好。