一意點心燉湯專門店

Open Now

Now Closed

近排天氣轉黎轉去，攪到有兩聲咳同喉嚨乾，於是諗起今晚不如去一意飲返個燉湯潤一潤先~由於佢座位有限，我諗最多應該坐唔到20個人，所以諗住今晚去到應該要等位，好好彩去到剛剛有枱客走，所以唔使等就可以直接入去~由於佢啲點心同部分小菜都係即叫即蒸，需要時間等候，所以一坐低就先點咗個咖哩魷魚同鳳爪先，咖哩魷魚真係送飯一流，所以每次都會必點。本來打算食金華火腿蛋餃蒸雞，但係可惜又係冇曬蛋餃所以食唔到，於是就叫咗金針雲耳蒸雞沙鍋飯。之前試過佢豉汁蒸鱔好大碟，今次就試下麵豉普寧醬汁配大眼雞，大眼雞配普寧醬真係絕配，肉質夠實唔散，配上鹹鹹哋嘅普寧醬，真係兩煲飯都食得曬。