靠得住粥麵小館 (德福廣場2期)

Open Now

Now Closed

今晚近近地過左德福既靠得住開餐，原先黎既目的係諗住食粥，但係見到隔離檯叫既蒸鱔好吸引吓，咁又改變主意叫一份加多一份蒸魚腩套餐。豉汁蒸鱔球，一碟六大件，豆豉夾葱花，托出真鮮味。鱔球先係進行去骨步驟，再用豆卜墊底承托着，鳝肉受熱時緊縮令其抓緊豆卜形成半孤形態，頂層既豆豉爆開後散發出惹味豉汁，大大件美味可口。套餐配菜飯感覺較為健康，一口菜飯再加一口鱔肉，越食越開胃。每一啖都係肥厚既肉，魚油豐沃，入口脆彈。