Video
Read full review
2020-03-08
1386 views
由第二代接班人郭滿唐延續經營至今45年，光顧過嘅藝人有周潤發、林峰、金剛小儀等👨🎤大家注意星期日同公眾假期唔開，而平日淨俾開到下午5點半，認真巴閉唔憂做🤣但實際原因係老闆好注重親子樂嘅時間👨👩👧👦💗豬潤牛肉出前一丁($44)每塊黃沙豬潤都係1cm厚切，好似午餐肉咁，而且有5至6大舊😍好食嘅關鍵來自花心機泵乾淨血水，切片後再沖水，用自製薑汁酒醃一晚，最後大灼3分鐘。咬落去厚身口感十足，啱啱熟唔會太韌，表皮爽脆內裡粉嫩，甘香嘅膶味好突出，無渣無腥味。鮮牛軟嫩完全唔鞋，咬落爽滑彈牙，牛味亦幾濃🐮麵煮得啱啱好夠煙韌。湯底帶薑酒味，味濃唔鹹但欠鮮甜。個人幾鍾意佢冇咁大陣薑味同啖啖薑渣，反而偏重紹興酒香，面頭冇淨起泡泡同雜質夠乾淨🍜💗豬扒火腿出前一丁($49)豬扒肥瘦適中，冇用蘇打粉醃，而係用心將豬扒揼鬆。炸得唔油膩而且透徹，邊位脂肪脆脆身，肉質嫩滑，但依然富有彈力，厚切所以做到鬆軟多汁，而且咸度調味適中🐷薄薄嘅火腿片都仔細煎得透身，仲有少少燶邊，得一塊有d唔夠喉添😝💗魚片魚蛋米粉($37)魚蛋肉質雪白新鮮，胡椒味唔重，食落軟諗，不過悲傷小姐比較鐘意彈牙個款；魚片厚切後外皮炸得煙韌，內𥚃彈
💗豬潤牛肉出前一丁($44)
每塊黃沙豬潤都係1cm厚切，好似午餐肉咁，而且有5至6大舊😍好食嘅關鍵來自花心機泵乾淨血水，切片後再沖水，用自製薑汁酒醃一晚，最後大灼3分鐘。咬落去厚身口感十足，啱啱熟唔會太韌，表皮爽脆內裡粉嫩，甘香嘅膶味好突出，無渣無腥味。鮮牛軟嫩完全唔鞋，咬落爽滑彈牙，牛味亦幾濃🐮麵煮得啱啱好夠煙韌。湯底帶薑酒味，味濃唔鹹但欠鮮甜。個人幾鍾意佢冇咁大陣薑味同啖啖薑渣，反而偏重紹興酒香，面頭冇淨起泡泡同雜質夠乾淨🍜
豬潤牛肉出前一丁
$44
98 views
2 likes
0 comments
豬潤麵
$37
156 views
0 likes
0 comments
💗豬扒火腿出前一丁($49)
豬扒肥瘦適中，冇用蘇打粉醃，而係用心將豬扒揼鬆。炸得唔油膩而且透徹，邊位脂肪脆脆身，肉質嫩滑，但依然富有彈力，厚切所以做到鬆軟多汁，而且咸度調味適中🐷
薄薄嘅火腿片都仔細煎得透身，仲有少少燶邊，得一塊有d唔夠喉添😝
豬扒火腿出前一丁
$49
82 views
1 likes
0 comments
💗魚片魚蛋米粉($37)
魚蛋肉質雪白新鮮，胡椒味唔重，食落軟諗，不過悲傷小姐比較鐘意彈牙個款；魚片厚切後外皮炸得煙韌，內𥚃彈牙，魚味濃唔腥，如果係魚片頭就更完美🐠湯底清淡，米粉淥得啱啱好唔會太硬太諗，米香就一般，沾少少辣椒油食更惹味🌶
魚片魚蛋米粉
$37
46 views
0 likes
0 comments
💗鮮炸雲吞配芥末醬($39)
雲吞皮薄又香脆，而且完全唔油膩。內𥚃嘅蝦仁冇偷工減料好足料，食落彈牙爽甜，細細粒真係一口接一口🦐有別於沾傳統嘅甜酸醬，而係和風嘅wasabi沙律醬，悲傷小姐好鐘意呢款清新嘅口味，仲有少少嗆鼻嘅辛辣🥟
鮮炸雲吞配芥末醬
$39
41 views
0 likes
0 comments
💗炸雞翼($32)
雞全翼大大隻好肥美，連雞尖都有好多肉食🐥醃得夠味外帶淡淡嘅酒香辟走雪味。生炸後外脆內軟，雞油完全迫出唔油膩，裡面嘅雞肉嫩滑，最欣賞係冇屈血熟得透徹👍🏼
炸雞翼
$32
26 views
0 likes
0 comments
💗涷奶茶($19)
茶身都算滑溜，但飲落茶香好淡奶又偏多，而且偏甜，相比其他茶餐廳水準較低☕️
涷奶茶
$19
23 views
0 likes
0 comments
💗涷檸茶($19)
錫蘭紅茶濃郁但唔會有澀味，檸檬新鮮帶清香，酸甜嘅味道開胃又解膩🍋
涷檸茶
$19
15 views
0 likes
0 comments
Post
