Trattoria Caffe Monteverdi (Moved) New Location

西營盤高街呢一間西餐廳一直都好想試下，今日終於有時間嚟食個lunch。 鋪頭地理位置都尚算方便，西營盤地鐵站c出口 距離只有五分鐘路程。 餐廳雖然感覺唔算好大不過都乾淨 舒適。 lunch有set menu睇完之後決定要試佢嘅slow cooked beef cheek, 未食主菜前侍應好快上咗餐包, 餐包十分鬆軟， 配埋橄欖油十分好食。 食完麵包，好快就上沙律， 沙律菜十分新鮮爽甜，而且份量亦都好多。 主菜當然就係slow cooked beef cheek, 佢嘅慢煮牛肉十分軟林，配住番茄汁十分入味，好好食，除咗慢煮牛肉之外仲配咗薯仔同紅蘿蔔，基本上都夠飽。 lunch set仲配甜品 ，今次佢嘅甜品係Pannacotta, 味道有啲似牛奶布丁但係又畀牛奶布丁更加香濃同入口即融， 侍應同我講原來呢個甜品如果另外叫嘅話要120蚊，而呢個係迷你版， 感覺真係好抵食。成個餐仲配餐飲我叫咗iced tea， 成個餐冇得挑剔。