三田製麵所 (K11購物藝術館) (Under Renovation)

平時經過K11呢間拉麵店都大排長龍，今日難得見到冇人排隊，一於入去試下。沾麵就一款豚肉魚介湯，有辣同唔辣可選，另外幾鍾意店家分小中大三個份量嘅麵，大食嘅夠飽細食又唔怕浪費。除左麵仲有d小食，價錢唔算貴。餃子皮入口左幾驚喜，薄得黎軟滑煙韌，而且煎得幾香口；內餡就冇咩特別啦。沾麵可以揀冷或熱嘅麵底，冷麵底對我黎講太硬啦，有種食到攰嘅感覺，另外店家講嘅「甜甜的小麥香味」我都唔太食到不過粗麵掛湯嘅效果真係一流！反而湯底我幾鍾意，夠濃郁之餘有魚嘅鮮味，最緊要係唔會咸到要不斷飲水，亦都唔會太膩。叉燒用瘦肉，幾滑但味道唔係太特別；糖心蛋跟麵一齊上唔洗加點，糖心效果做得好好不過可以再入味d就更好啦！兩碗麵分別係中同大，份量都真係差幾遠，一般食量嘅先覺的中已經好夠飽。小食同沾麵嘅味道我都幾滿意，唔洗排隊的話都可以一試。