蘇媽.蘇媽馬來西亞美食店 (Closed)

晏晝落開深水埗買d嘢，醒起有次夜晚行過蘇媽好多人排隊，即刻想去試一試佢。同朋友兩個人晏晝黎唔洗等，一黎到就有位，不過要搭枱。黎到當然要試佢個百吉爹肉骨茶啦，唔想食太多肉，所以揀咗一字骨，不過原來都避免唔到有d肥膏....但都叫接受到嘅。佢地勝在肉骨茶個湯係一人一碗，而且可以添，藥材味亦好夠，呢個真係要讚。之後再叫咗個檳城白咖哩油麵，個麵望落平平無奇，原來係要加埋佢地秘製的小辣醬先會帶出淡淡香味。健康嘅人梗係叫個菜啦，佢個玻璃魷魚通菜份量都ok,唔會多菜少魷魚，味道唔算濃，不錯的推介。美中不足個薏米水，d薏米實在太硬，令人完全唔想食到一粒薏米。