蘇媽.蘇媽馬來西亞美食店 (Closed)

朋友愛吃肉骨茶，所以特意去深水埗試下呢間常常排長龍嘅蘇媽蘇媽，我六點多去到，但都要等十幾分鐘才有台，地方不大，座位都迫，裝修好懷舊，尤其是門口個黑底金漆木招牌，甚有氣派。每個客人入來都係想品嚐呢碗正宗馬來西亞肉骨茶，我見幾乎每台上都有叫，而且仲冇限添飲，一向獨愛馬來西風嘅肉骨茶偏向藥材味濃，呢度用料十足又真係好正相信冬天吃後可暖身更正。百吉爹肉骨茶(大骨)，嚿骨非常冧身。淨通菜有少少辣，好惹味。馬拉沙嗲串燒(雞)，有好香花生味既醬汁， 調味得相當好 ，係串燒嘅靈魂。

晏晝落開深水埗買d嘢，醒起有次夜晚行過蘇媽好多人排隊，即刻想去試一試佢。同朋友兩個人晏晝黎唔洗等，一黎到就有位，不過要搭枱。黎到當然要試佢個百吉爹肉骨茶啦，唔想食太多肉，所以揀咗一字骨，不過原來都避免唔到有d肥膏....但都叫接受到嘅。佢地勝在肉骨茶個湯係一人一碗，而且可以添，藥材味亦好夠，呢個真係要讚。之後再叫咗個檳城白咖哩油麵，個麵望落平平無奇，原來係要加埋佢地秘製的小辣醬先會帶出淡淡香味。健康嘅人梗係叫個菜啦，佢個玻璃魷魚通菜份量都ok,唔會多菜少魷魚，味道唔算濃，不錯的推介。美中不足個薏米水，d薏米實在太硬，令人完全唔想食到一粒薏米。

呢間蘇媽之前係FB俾人係咁洗版,加埋呢間分店近黃金,唔使去到基隆街咁遠,同埋本人我都好鐘意食馬拉野但又揾唔到真係好食嘅係香港,所以就一於試下呢間好唔好味先.............呢間係樓下買左野食&俾左錢就可以上隔離樓上去坐住等.....入面普普通通當係有個地方俾你食下野咁..野食方面:蝦面:  紙碗太細,變左好難食面時同時飲埋湯,而且面吸晒湯,好易發漲左,配料不過不失,同出面食嘅LAKSA一樣同魚蛋,蝦,芽菜等等,湯底飲得出係有用乾蝦去整,味都算濃,但唔算好味,而佢每碟野上面都會附上一匙醬料,但我又唔覺得加左佢會好味左.......＂淄＂肉卷: 買左2條份量,用腐皮包住,有少少脆,入面有肉,有D菜唔多知係咩野,都好味呀;老鼠粉：寫到明好出名，我覺得係靠個汁黎調味，估唔到有＂蠟＂腸食，幾意外其實最好係個２杯野飲，柑桔話梅水夠開胃，冬瓜龍眼茶又唔會死甜呢間唔算係特別好味，不過不失，食過就算

老公今日生日放早，可以食蘇媽，唔洗排隊，仲有下午茶餐食，真係有生日驚喜。椰香咖央多士多士焊得透，咖央醬份量剛好，又不太甜，不錯！話知你啦薄餅配咖喱個名特別，又有驚喜。薄餅即叫即整，不太厚皮，又熱騰騰，咖哩有椰香，少辣，好好味！ 喇沙米缐有青瓜、菠蘿、洋蔥、生菜和粉，唔夠味道，好淡。肉骨茶任添，夠熱，好濃藥材味。我食呢個三層肉，肉質軟冧，又入味，一定要再黎食過！咖啡不太甜，香濃的咖啡，又有奶香，夠滑！

聽聞深水埗多左好多新野食，抱住掃街心態黎搵食。行過見到少有既馬拉野食，仲要咁過癮坐街邊夠晒風味。唔食乜好就問個收銀姨姨，姨姨好好人問食唔食得辣，就推介左老鼠粉同福建蝦麵，為食就叫埋串燒。menu寫得非常清楚有啲乜材料唔食得辣既食福建蝦麵（大），都真係幾大碗，個湯椰味香濃，麵係油麵，鐘意佢配料多，最正就係果匙辣醬🤤有啲蝦米粒辣得黎香。老鼠粉即銀針粉用馬拉醬油蝦米蔥花靜撈撈下，味道穩陣。飲品係檸檬薏米同羅漢果茶味道正常。串燒就無乜肉，但個腌料就幾好食。佢啲沙嗲係好杰身有種魚露香，唔似普通花生醬加辣椒溝出黎既。賣嘢食個姨姨自己燒完都自己食咗幾串😂問我地好唔好食，佢自己都話串燒好食

最近大熱既店緊係要去試一試未去到己經見到好多好多人！等左差不多一個中先入去去有位座可能我地人比較多 所以等得耐dd野唔算貴 可以每樣試小小唷！一黎佢就每人俾左碗肉骨茶我地飲第一次飲覺得唔錯架！而且待應既態度都好好 好nice 食物方面我自己好鐘意食佢個加央多士🤤啵啵脆 好好食唷 必食的但老鼠粉個人就覺得麻麻🙈相比下雞絲河粉更加好味蝦米湯底超級濃郁！仲有好多雞絲舖面其實我地仲叫左好多 影唔切相 哈哈串燒啊個d都試左 整體不錯的 只是等位時間較久唷

之前一早已經想試呢間位於深水埗嘅馬拉肉骨茶，佢標榜地道正宗，而且可無限任加肉骨茶已令我非常之心動。先講佢店面，古色古香得來環境都算衛生，令我更加覺得佢嘅肉骨茶會係嗰種古早味嘅傳統風味。難得出嚟我哋梗係點晒佢嘅大雜錦肉骨茶（$108），網上d人話一定要食嘅皇帝骨（$48），辣死你嗎（即係椰漿飯）（$40），6串豬牛串燒（$75）和麥芽檸檬薏米水（$23/杯）。一嚟佢會比幾碗肉骨茶俾我哋飲下先，但好可惜佢肉骨茶味道偏淡完全都冇胡椒嘅味道，只係有好輕微嘅藥材味, 同我懷念嘅重口味真係有一大段距離，真係算幾清嘅肉骨茶， 我和同事估計佢係咪就返香港人口味，連辣死你嗎椰漿飯嘅味道都係比較淡，真係完全辣我唔死，我之前食椰漿飯辣好多同埋味道濃好多，都係果句啦，可能係就返香港人嘅口味掛🙄佢嘅大雜錦入面的豬肚，排骨等都係不過不失冇乜特別，但係豬手同埋雞腳嗰啲肥膩啲嘅都幾好味！但係個皇帝肉真有啲失望，＄48只有三小塊，真係好細塊，肉質係冧身啲，但始終係瘦肉，都係有少少鞋，又真係冇乜咁特別，重點係都幾貴。但唯獨佢d串燒就真係幾好味！無論豬肉同牛肉都入味同有咬口，我懷疑啲豬係豬頸肉嚟㗎好爽，沙嗲醬做得唔錯有東南

蘇媽蘇媽喺深水埗有2間分店，新開嘅餐室主打肉骨茶，但未有機會去試，今次嚟返呢間原舖，位於後巷側，有幾個座位喺條後巷度，最近加左位，可上樓上有冷氣。之前喺呢度食過一次辣死你嗎，覺得幾特別幾好食，今次再叫，完全唔係果回事！辣死你嗎仁噹牛肉（$35）辣死你嗎其實即係Nasi Lemak 椰漿飯嘅意思，呢間店用左班蘭葉嚟煮，所以飯呈青綠色，好吸睛，但啲飯好爛好淋，叫左仁噹牛肉，仁噹即係咖哩燉肉嘅意思，咖哩味辣但唔香，牛肉比較韌，另外仲有魚乾、花生、青瓜同半隻蛋做配料，整體嚟講好漏，呢個只係標準size但我都食唔晒。

老實說，由佢未出名的時候已經成日經過，心思思想試下，但係又接受唔到坐係條黑蚊蚊的後巷食野（係，我認我有公主病👸🏻）直至佢開左樓上有個閣樓仔，我先正式可以一試😎檳城香炸滷肉卷 - - - 有啲像我平日係齋舖買個啲素菜卷，但係里到多左一份咸香（有啲像媽咪鄉下好流行的鹽渣）唔需要另外再加調味，已經超夠味👍🏻不過如果自己一個食晒成份兩條的話，應該會覺得好咸😅玻璃魷魚🦑超級脆，通菜又嫩又新鮮🥦配上馬拉特有的辣醬，感覺好像去左新加坡🇸🇬（話說本人上次去新加坡都買左里種醬料返香港）雞絲湯貴刁- - -不過不失，無重點可言咖哩哩啲禁個人口味的野就唔講喇，個班蘭飯真係不得了，好香椰汁🥥同班蘭味，我夠膽講，好食過新加坡🇸🇬飯的配菜相對已經失色樓下的高腳椅真係好適合單拖食飯 / 快閃。不過對於我里啲公主👸🏻黎講，試一次就夠了，如果再有機會，我會去新店飲肉骨茶

原本打算吃黃薑飯，可是那餐廳跟我一樣收爐，要月尾才啟市，但又想吃些東南亞的午餐，最後走去蘇媽蘇媽馬來西亞美食店的後巷吃個快閃馬拉午飯。既然吃不到印尼餐廳的黃薑飯，那就吃蘇媽蘇媽的辣死你嗎仁噹牛肉飯。雖然這飯叫辣死你嗎，但是不是真的辣死啊，它其實是椰漿飯馬拉話的發音，不要被飯名嚇倒。椰漿飯淡淡的淺綠色，散發香濃的椰子香氣，不過飯略略有點軟身，可能因為配菜的水份所影響。乾魚仔，花生炸得香脆不油膩，青瓜拌著惹味香辣的參巴醬更是滋味。仁噹牛肉煮得軟腍，可惜沒有醬料的調味，使牛肉味道單調。然後我又口癢癢，想吃個馬拉咖哩雞，但是雞的份量太少了，只有三塊雞，薯仔滿滿的，吃得都不過癮。咖哩蠻椰汁濃香不辣，入口溫順，雞肉嫩度尚可，薯仔屬爽口型，我卻喜歡軟綿型。再加配檸檬薏米水，酸甜清新，又能去濕，我蠻推介大家喝這。

一向喜歡叻沙既椰香鹹鮮湯底，所以每次見到有叻沙都會想試。不過蘇媽蘇媽既馬來叻沙並唔中我口味，一口食落嚐到既係好大朕沙甸魚味而唔係椰香由於本人極怕魚腥，平時基本上都唔多食魚，所以都無法再食第二啖。好彩仲有叫咖哩雞麵，雖然偏辣，但十分香口，好味

基本上幫襯咗10幾次外賣呢間嘢最出色係咖哩飯，重椰汁🥥香味咖哩配班蘭葉香飯，有著不能輸的秘密，湯咖哩油麵都好出眾，由於人手用心精製，多數都要等5-10分鐘，但係都值得既，唔水吓吓都食三哥咁悶～

身為一個檳城人在香港試過唔少馬來西亞餐廳呢間味道真係麻麻地試咗幾樣無一樣似樣都幾失望㗎都唔正宗既而且D位勁逼坐得一D都唔舒服都唔知點解可以咁多人排隊等不過勝在夠平

“蘇媽”雖然開了不是太長時間，但我今次已是第二次食。同上次一樣，都是要等位，差不多半小時吧，還可以接受。座位不是太多，上菜很快，店內的人都很有禮貌，環境非常乾淨。今次兩個人叫了很多樣 (因為樣樣都想試，第一次食過，覺得很美味，所以今次叫了很好)，有肉骨茶通菜喇沙米線(一般）、咖央多士辣死阿媽羅漢果菊花茶。這裏肉骨茶的湯不會太咸，而且上時夠熱，好味，還可以添的好正！咖央多士是後加的，但也上得很快，而且又熱又脆。下次一定會再來！

身為馬來西亞檳城人的我 嗰日心血來潮同朋友一齊過黎食 我嗌咗魷魚通菜（檳城人叫魷魚蕹菜）同Mee Rebus。食完之後真係大開眼界 因為食完後都唔相信自己係食緊自己叫嘅嘢食。最近係FB見到老闆娘話自己會盡量跟足本地口味。簡直係大話精 我原本都唔想出聲 見到FB呢個post 我真係忍唔住要係呢度嘅個戶口話俾大家知 唔好俾人呃 大家可以上網check下正宗Mee Rebus同魷魚蕹菜係係咩回事只有未試過正宗馬來菜嘅人先會俾佢呃到！