Steak Bar (Moved) New Location

上個月落老蘭飲聖誕啤，發現區內有間成晚都咁爆場o既「Steak Bar」有吉列牛扒食，當時即約同醉貓細姪搵日去試一試。2018年o既第23日，二人終於夾到黃昏時段，人家啱啱開舖時去幫襯。小店面積唔大，散座全為二至四人o既高櫈，六點半後已全場爆滿，絕對係區內o既人氣餐廳。中央有個開放式廚房，透明度極高。黎得老蘭喎，埋位當然係要先啤一啤佢啦！兩口子早已鎖定「吉列炸牛扒」為目標，所以每人就各自叫咗份套餐。另外再分多兩款小食。吉列炸牛扒（$188）：除咗吉列牛扒之外，套餐仲包有前菜、沙律、同白飯。前菜麻醬豆腐白滑幼嫩，清香又惹味。沙律都好清爽。嘩，白飯不但粒粒飽滿熱辣，混入細佬最愛o既「振り掛け」紫菜芝麻碎，當真十分滋味！吉列炸牛扒連同閃著藍火o既燒爐上。炸牛扒上枱時只係兩成熟左右。小肥平時食牛扒雖則最愛見紅，但係哥哥仔解釋話吉列炸牛扒其實越熟越，六七成熟都唔會覺得啲牛肉老嚡。果然如佢所講，吉列炸牛扒越熟越鬆軟，越熟越多汁，入口層吉列炸皮仲要化於口中，真係超好味！雞軟骨餃子（專顧套餐可以優惠價$45加配）：雞軟骨餃子一客五件，皮薄餡嫩脆，如果可以乾身少少就更加完美。吉列炸蝦（專顧套餐可以優惠價