Video
Read full review
2011-10-10
848 views
今日lunch同同事去沾仔記食野,估唔到會令人咁失望我地四個人,分別叫左3個單拼同埋一個雙拼,再加碟菜心唔講我D同事,我自己就食一碗雲吞面。只係食D面,未飲啖湯,已經覺得D面咸,個湯就唔敢飲啦,都知係味精湯一碗個人其實有習慣,去食面丫米線果D,頭一啖就試下佢果湯底如何不過沾仔記都唔係第一次去,都知佢個湯乜料,就咪晒氣啦D雲吞大大隻,蝦又多,的確滿足到鐘意啖啖肉的人士,但我個人就比較鐘意似金魚仔咁樣頭細細尾長長.一口一啖細細粒的雲吞果隻雲吞大大隻,我起碼要4~5啖先食得完食就無咩問題,禮貌就一向都無乜架啦環境都係一般舊式粉面檔咁,油淋淋的枱,地下乾一塊濕一塊,踩上去痴立立,可以話係dirty,D坐位又爛爛地不過食得佢果十幾蚊野,就咪咁高要求唔想屈就,就真係咪入去一句到尾,但求是是但但,hea hea地解決一餐都OK GE不過問題在於我早走,原來佢地計數果陣收多左我地$10,如果我在場就會計下LOR番到公司,我地計來計去,無理由加一碟菜心要成$19,因為果陣有一位女仕搭枱,我地唔知會唔會係佢地收多左咁我就打去問,3個單拼1個雙拼加碟菜要幾錢,佢地答$73咁我咪老老實實話佢地知,佢地收我地$
我地四個人,分別叫左3個單拼同埋一個雙拼,再加碟菜心
唔講我D同事,我自己就食一碗雲吞面。
只係食D面,未飲啖湯,已經覺得D面咸,個湯就唔敢飲啦,都知係味精湯一碗
個人其實有習慣,去食面丫米線果D,頭一啖就試下佢果湯底如何
不過沾仔記都唔係第一次去,都知佢個湯乜料,就咪晒氣啦
D雲吞大大隻,蝦又多,的確滿足到鐘意啖啖肉的人士,但我個人就比較鐘意似金魚仔咁樣頭細細尾長長.一口一啖細細粒的雲吞
果隻雲吞大大隻,我起碼要4~5啖先食得完
食就無咩問題,禮貌就一向都無乜架啦
環境都係一般舊式粉面檔咁,油淋淋的枱,地下乾一塊濕一塊,踩上去痴立立,可以話係dirty,D坐位又爛爛地
不過食得佢果十幾蚊野,就咪咁高要求
唔想屈就,就真係咪入去
一句到尾,但求是是但但,hea hea地解決一餐都OK GE
不過問題在於我早走,原來佢地計數果陣收多左我地$10,如果我在場就會計下LOR
番到公司,我地計來計去,無理由加一碟菜心要成$19,因為果陣有一位女仕搭枱,我地唔知會唔會係佢地收多左
咁我就打去問,3個單拼1個雙拼加碟菜要幾錢,佢地答$73
咁我咪老老實實話佢地知,佢地收我地$83喎
唉,最失望,係我前後要打成4次電話比佢地,佢果位自稱姓負名責人的話事人(佢唔肯話我知點稱呼佢),先叫我去拎番果$10
點解我要打成4次?因為佢地cut左我成3次線LOR
而且由頭都尾4唔同人的語氣都好無禮貌,仲覺得我好似想呃佢地錢咁...係呃都唔會晒時間呃你十蚊雞啦
我最不滿係佢地由頭都尾都無聲唔好意思,一口咬定果位員工無收多我地錢,佢地話"佢唔記得"有收多...唔記得唔等於無喎...
機器都會有錯啦,何況你係人?
個負責人都識講,我無野都唔會打電話比佢地啦,唔通真係我無聊搵黎嘈咩
後尾我都嬲嬲地,我咪話,你地都唔知係咪XX黎架,寫野又唔開單,自己計,我地D客講個信字,照比錢,你地咁樣枱枱收多10蚊你地都好好賺姐,你果個員工都唔知係咪自己袋埋,你地無單睇,又話我無證據你地收多左錢,咁你都無證據你地無收多姐,你地咁樣開XX,我真係可以報警架喎
我係咁同個負責人發洩不滿,我承認自己態度都好寸,無啦啦比人當賊辦,聖人都嬲啦
不過我就無爆粗,只係展示辣椒仔本色,唉,成個潑婦咁
我心諗,為左保障番我地D客仔,係咪要我地次次去食野,都叫你開番張單同埋寫清寫楚我地食左乜,以防再有呢D事發生?
最後我無去拎果10蚊
我最主要唔係果$10,如果你好聲好氣咁同我講,我諗我都會算,
但佢一黎就好無禮貌,為逃避責任就cut我線,偏偏我又係果D比人一激就死唔斷氣果D,最後事件令到我非常失望
PS: XX代表2個不能出現在OPENRICE食評ge字,但我果陣真係咁樣係電話度同佢地講,唔知應該點改,故以XX代替
Post