和拉麵

Open Now

Now Closed

小弟最近去左一試呢間都頗多好評既和拉麵，我去個個鐘數就大概六點九個字度，間野入面就得我一臺客，一坐低就叫左個最basic既拉麵同埋餃子，特濃要加八蚊，小弟冇加，因為驚個味太重，到我食完之後發覺錯哂。碗野上到黎，當然要試下個湯啦，飲落就即刻已經覺得有點伏。首先好肯定一樣野，個湯底唔係味精野黎既，呢個值得讚賞既，但係佢個湯底質地又稀，個味又唔係好夠同埋唔夠香，飲落覺得有點難受，但係又唔係話難飲既。至於個麵，普普通通咁啦，OK既。隻溏心蛋就介乎普通同難食之間囉，唔知係咪有點太熟，好似有d硬膠質地，不過溏心蛋呢家野好難可以難食既又。個荀就幾好，食落個味都幾爽口同埋香。個叉燒都好有心機，特登燒左一燒，個人好欣賞呢個做法，會香好多，奈何師傅個刀功實在太好，塊叉燒有點太薄，同埋唔知係咪燒得唔係好夠，燒完都係有d凍……不過都OK既，都可以算係好食既……誠意搭救丫嘛。講埋個餃子，28蚊得四隻……食過好多間，好少有鋪頭咁孤寒……不過，個味道唔錯既，個餡料肉菜比例相當日式，唔似我地中式既餃子餡咁樣多肉少菜，別有一番風味。咁總括而言，對我黎講呢間野其實介乎唔合格同伏之間，但係比佢好食既拉麵店係香港大有鋪在，加