越色牛肉粉餐廳 (Closed)

星期日小下雨天,上到去已經21:00,無乜人,一入去就有位坐,比較少食越南菜唔知叫乜,女經理見我頭岳岳,就過嚟介紹嘢食,叫咗嘢食,好快就嚟<絲網春卷>,脆卜卜,正!叫左兩杯嘢飲一杯火龍果加奇異果,叫<奇異火龍>味道都幾好,但偏甜一杯香蕉加朱古力,叫<香蕉可可>,正!少甜的我至爱跟手上<燒牛排沙律>酸酸地又帶點少辣,開胃,燒牛排有陣燒牛肉干味,好香有牛味再嚟<馬拉盞通菜>一上枱好鬼香,食落無聞咁濃味通常食泰菜嘅馬拉盞會好鹹,呢度又唔會,啱唔食得太重口味嘅人要等三十分鐘嘅即叫即做嘅主菜<燒春雞香茅黃薑飯>上枱係隻燒春雞,女經理細心切開雞背,黃薑飯好鬼香噴噴...春雞皮脆肉滑,黃薑飯香,一向唔食薑嘅我都爬多兩啖,好味!食甜品<椰汁西米糕>老老實實,嘛嘛地正當我以為呢餐竟然係衰收尾衰甜品嘅時候,另一個甜品到<南瓜焞蛋>睇焞蛋嘅外表好多洞,以為又嘛嘛,但係點知同南瓜出奇地配合,正!不過太飽,食咗一件就要打包,返歸再嘆!