經典廚房 (H.A.N.D.S) (Closed)

呢度裝修都幾光猛，四四正正得嚟係有少少新派個種感覺(其實個名都好新派)，坐低咗個感覺都幾好既，服務態度都幾好。今次我地人少少，所以叫咗唔多野，特別想講 香不辣醬汁牛肉同海鮮芋頭烙呢兩味餸，其實呢度啲餸賣相都幾好，伴碟都整得幾好心機，同埋等既時間唔耐。香不辣醬汁牛肉呢味，份量都適中，牛肉都幾大塊，個汁真係好香好惹味，你會想一路食落去。海鮮芋頭烙呢味就出面好少有，海鮮同芋頭都好足料，你可以睇到有好多芋頭粒，唔會淨係食到一堆粉漿，好香口趁熱食好正，下次經開都會再幫襯同叫呢兩味餸。