經典廚房 (H.A.N.D.S) (Closed)

其實本人好欣賞個石燒乳豬 但而家都怕左唔敢去呢間野 因為個肥肥灰衫女侍應真係好煩次次去親一坐底櫈都未暖就叫您買卷（月餅，年糕，蘿蔔糕，糉）無論咩季節去都有卷不停煩住您買就算上次已經比佢煩到買左卷依然都會不停叫您再買，令您這餐食都好唔舒服好煩厭，對住啲老人家仲要迫人買，點迫呢? 就咁放底張卷在枱面就走左去點解可以咁冇品。如果擺明唔買，成晚叫極佢都唔會過來您張枱服務還有個石燒乳豬有陣時上枱係唔熱既，就非常失望因為冇左石燒個意義了。咁既服務太度係會趕走晒啲客，祝早日搬遷

早左醒就走去同媽咪飲早茶媽咪最❤️飲茶，間中去呢間因為最就腳🙄晚飯就真係食過一次咁大把姐大多選擇喇，所以唔多夜晚黎 以我記得晚市唔算好抵食我同屋企人去明star比較多😆2個人4個點❤️飽飽同埋飽藥膳雞腳👇幫襯咁耐一路退步緊可能轉左師傅🤔味道普通蘿蔔糕都係普通，請勿抱有任何期望😂炒米粉咪睇佢白雪雪有味既都，都係普通🤭牛肉腸依然無驚喜🙉普通飲餐茶傾下計ok既我就鍾意坐卡位舒服啲😙呢度啲茶都係普通😝

今朝去飲茶，10點幾已經冇飯叫嗌個沙薑雞米粉餐，點知係毫無通知下轉左米線，原來話係冇哂米粉，咁係咪應該要通知食客一聲先?到個豆腐，都係好食既不過11點叫，11點半黎到面頭個幾舊係凍冰冰，真係唔知擺左幾耐野食係唔錯，但如果可以改下服務會更好！

每逢初二，都會入屯門跟我姨一家拜年，今年我姨帶我們試新野......經典廚房。開年飯例牌會有套餐，一行九人最好莫過於點一個十人餐，又豬又鵝又鮑魚，十分豐富。醬燒乳豬用熱石春墊底原隻上，食的時候還是暖笠笠的，皮脆肉嫩，沒有過多的油脂，十分好味。上湯焗海蝦伊麵味道比較清淡，份量很多，海蝦大大隻，肉質鮮嫩，十分鮮甜。碧綠蚌片花枝的翠玉瓜爽口，份量多。蚌片花枝都切得較薄，口感不夠，並且冰鮮得沒有半點鮮味。什果沙律伴烤軟骨賣相吸引，一上檯便飄來陣陣的孜然粉味，烤骨肉質鮮嫩香口，沙律雖則普通地用上罐頭雜果，但卻配合得天衣無縫，令油膩感頓失。紅燒雞絲生翅同樣味淡，雞絲沒有雞味，我那碗沒有翅的痕跡。蠔皇海鮑片伴金錢的鮑片切得雖薄，但仍有口感的，冬菇味濃配上味淡的蠔油汁茨，非常好，只可惜墊底的是我最不喜歡的小棠菜，如改用生菜更好。清蒸沙巴大龍躉蒸得火喉剛好，肉質鮮嫩，不帶半點腥味。瑤柱蛋白炒飯材料並不豐富，炒得並不乾身，上檯時還有些飯是黐埋一舊的。味道也頗清淡。燒鵝皇竟然被安排最後才上，可惜，因為大家都已經有九成飽，實在吃不下，但怎樣都會食一兩舊試試味道，鵝皮不夠脆，皮下脂肪肥厚，肉質鮮嫩香口。打包回家

原本訂了位對面間酒樓，臨時取消改去來呢間廚房試下。雖然環境不夠對面間咁好，話明係廚房，所以食完全身都有好大陣油煙味，坐車回家途中，感覺好檻尬。除了這樣，其他都好滿意！首先，白灼蝦，好抵又好鮮甜新鮮好味，2-5人十蚊有一斤，由於媽咪已到，我們放工入去屯門車程要個多少時，她就點了這個先，怕售完即止。一蝶有18隻蝦，我們一行五人（其中一位小朋友）份量適中。跟著點了三寶：蒜容蒸波士頓龍蝦，以為硬殼，其實軟殼好容易開，唔使用鉗都得，龍蝦鉗好多肉，好鮮嫩。蟲草花魚肚浸翡翠，清清地夠熱。家鄉蒸龍躉頭腩，魚肉好冧，麻麻地。又點鎮店推介的石春燒乳豬半隻，好有驚喜！皮好脆，熱辣辣的黑色石春墊底，保存熱度，今天節氣大雪，食咗溫暖呀！最後點個拔絲鲜肉排，好夠獲氣，肉質好爽，好鮮，紫洋蔥彩椒菠蘿伴菜，酸酸甜甜好開胃。最最最後點了一窩海皇豆腐羹，有爽口的蝦蟹柳草菇滑lulu的豆腐，湯又夠熱，味道適中，唔太鹹！因為好飲差啲忘記了拍照𠻹！仲有值得讚賞的就是上菜有效率！食物夠獲氣！👍🏻👍🏻下次有機會再來臨！

食物味道尚可，晚上無乜人幫襯都上菜極慢，樓面員工服務態度差，無心跟進食物，最後讓我苦等後，再幫你取消，已向集團投訴，希望會重視客人意見及改善。個人體驗: 想食到一肚氣，一定要去試!

上開飯見多好評，專程同家姐入來試的。環境新派，5會傳統酒樓咁逼我地2個有卡位，好舒服其實我來係最想試咕嚕肉同龍躉麵，但午市堂食無。但惊喜見有我好耐無食過的籠仔荷葉斑煵蒸飯。 係我幾年前在灣仔食過的雙倍咁大，夠4個人食，只係88蚊䓤牛肉角仔， 有莞茜在面，很好味蜆介炸鯪魚球，好味見隔離枱叫，好靚，我地又叫的避風塘蝦，38蚊有6隻好大的中蝦。 完全5 棘， 5入味，但炸得香口。見外賣有咕嚕肉，但要叫2餸，咁就加埋紅燒豆腐個咕嚕肉真係名不虛傳，最正係個醬似番幾十年前我細個時食的味，5會好似近年好多酒家的一味得個酸埋單堂食 223, 外賣90.服務係少少串，但可能我舊公司的人都係5 熟時少少串，我慣左，又唔太角問題咁大。

看了網上食評推介這間中菜館，滿心期待一家大小來吃，失望到極點！菜式便宜但全部都很小份量，完全不夠吃。點了烤乳豬、蟹肉炒飯、茄子煲、粟米斑塊、豉油雞，除了乳豬全都不推介！蟹炒飯除了蛋和芽菜沒任何配料，粟米斑塊的粟米汁根本就是生粉水加少少粟米，很沒有誠意！只有乳豬有熱石坐著，很特別，亦挺好吃。因為沒預算份量小，餸菜上檯後要再點多一輪菜，結果中間等菜等了相當時間。

呢度環境唔錯，但服務態度一般般...我地叫左乳鴿、鮮茄單耳浸翠苗、白灼蝦及梅菜扣肉。乳鴿熱辣辣上枱，炸得唔錯幾好食～鮮茄單耳浸翠苗，蔬菜煨得幾入味，唔係白烚就算。梅菜扣肉，扣肉炆都唔錯但梅菜太少😅 白灼蝦做緊特價幾抵食。呢餐都幾抵食，4個人食大約$300。______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️

其實經典已經唔係第一次食架啦，不過都冇相機食先，反而每次都係「經典廚房 食左先講」。今次終於可以介紹到比大家啦第一碟：我地叫左乳豬例。淨係睇個外表已經洗晒口水，卜卜脆既表層，食落口唔會有種「骨肉分離」既情況出現，反而非常入味，根本不需要汁。第二碟：鮮蟹肉扒西蘭花。這個麻～ 其實唔係好食到有蟹肉囉😂 雖然如此，但味道都還可以既，因為師傅用左蛋白以及菇、紅蘿蔔做汁 再重重包圍西蘭花，每食一件 都會感受到，juice 度十足。第三碟：媽媽至愛-BB乳鴿。皆因本人比較怕肥😂 所以全程只食左半隻咁大把。至於味道麻，我就覺得太多油了，雖然都係熱辣辣上台，但咬完第一口 已經成口油。最後一碟：蟲草花魚肚浸菜苗。哩個真心要比個贊因為真係好有鑊氣，唔係白烚交貨。而D菜就軟硬適中，本人認為值得推介。

今日天氣非常酷熱, 懶洋洋訓到中午1點半, 訓足12個鐘, 想食點心, 近近地揀左經典廚房, 去到見有人等位, 我地兩位, 肯搭枱的, 下一張就到, 都好快! 坐低原來我地係坐先果個, 未有其他人, 後來只係搭左一位女士, 都唔迫。留意啦, 假日下午茶時段, 叫中點同大點係比較抵食架。粉紅色果張特價下午茶點心紙亦值得考慮。燒鵝瀨粉: 個湯底幾淡無咩味, 燒鵝還可, 偏瘦但唔"鞋", 仲比埋酸梅醬, 點醬食有風味。叉燒腸: 都幾厚皮, 不過個皮唔算難食, 都滑同有米香, 叉燒普通咁啦。韓式煎餃子: 唔係我想像中長方形偏偏的樣子, 外表係普通餃子, 餡係粟米同豬肉, 皮薄餡多, 味道不錯, 只係唔韓式。牛肉球: 味道似樣, 食落幾多肥肉, 不過我就係鍾意佢呢陣脂香同埋淋淋的感覺, 一定要加喼汁。燒賣: 有水準既, 有鮮肉香, 個樣都靚。雞扎: 雞好滑呀, 仲有冬菇、火腿等, 但係無芋頭好似差緊D野咁。咸水角: 最後先上嘅一道點心, 係值得等嘅, 外皮口感軟熟, 餡料味道似樣, 好新鮮熱辣, 應該係即製的。自己拎張咭出去埋單, 櫃位收左咭只係話幾多錢, 無比張單黎睇, 其實應該要比單客人睇囉

天氣咁熱都唔想入廚房煮餸，一於出街食開飯喇！今晚食乜餸？炒通菜夠獲氣，屋企系炒唔到咁正西檸炒雞，滑蛋蝦仁足料魚肉釀豆腐好滑最緊要當然系炸乳鴿，仲熱嫁！我的致愛，可以慢慢食，同飲吓啤酒

今日下午茶叫點心食＄140埋單找數真係抵，必叫蝦餃，燒賣，鳳爪新鮮即叫即正咁好你六年咁多個人，好似有啲唔夠飽，叫返個糯米雞頂下肚先，仲有隻鹹水角叫埋個小籠包就啱啱好啦，我都唔客氣，起筷食嘢啦

1930去到想叫小菜食,連基本的咕嚕肉無,連叫幾款小菜都無。買左蛋糕去打算俾驚喜朋友,叫佢先放雪櫃,竟然將個蛋糕打直寫名。到食完飯就直接出去搵侍應生執檯準備切蛋糕,叫左幾次但都無反應,侍應生更直接就沖入房問你們是否有個蛋糕。我原來是打算俾驚喜人的,所以自己行出房請侍應生幫我們執清張檯,佢地咁一沖入去咩驚喜都無晒。但都要稱讚一下佢地的餸菜是好味的、抵食的。

價錢經濟, 款式都叫多, 5個大人2個小朋友, 叫了幾個小菜, 啤酒, 埋單$8XX(啤酒好抵飲, 朝日大啤$50/3支, 藍妹大啤$33/支買2送1)一舨小菜無咩特別所以無影相, 呢個熱石醬烤乳豬比較特別先影左, 叫左半隻試下, 個碟好大, 份量其實一人得兩舊, 睇個樣仲以為會好熱, 原來只係暖暖地, 但皮好脆, 味道都OK, 尚算可以啦~環境都叫闊落, 唔會話要坐到背對背, 都見到有幾多3-4人卡位, 但佢張台太高, 櫈同台高度差太遠坐得唔係幾舒服, 其他整體上OK, 有機會會再食~