盛記酒家

Open Now

Now Closed

喺灣仔想食中式傳統菜，依稀記得以前嚟過有間唔錯嘅酒家，師傅啲手勢都好傳統，所以約朋友喺呢度食。乾隆醉雞，以50幾蚊來講都算好多雞，可能有五份一隻雞，有少少雞髀同雞胸肉，整體來講隻雞唔會太肥，雞肉滑溜。脆皮燒豬喺呢度招牌菜之一，伴碟仲有細飽皮，乳豬皮燒得卜卜脆，加飽皮一起食減低肥膩感，乳豬肉亦嫩滑，侍應特別同我講師傅將啲肥膏切走，所以隻乳豬剩係得皮同埋肉好少肥膏，心機之作。野菌燒汁和牛粒份量好多，牛肉好有咬口同又淋又滑，牛味好出，好嘢味。之後叫了金牌拆肉泥孟粥及潮式蠔仔粥，泥孟粥好甜好有魚味，泥孟肉鮮甜，以呢個價錢性價比好高。