營然 (Closed)

炮台山新開咗間餃子店，今晚走去試吓。一入嚟見到店員喺度搞緊成鍋湯，仲有得試飲，勁清甜，不過已經成肚水，所以唔叫嚟飲了涼拌皮蛋豆腐 ($25)非常入味，口感清爽，豆腐口感嫩滑，夾起上嚟未至於會即散手撕雞上海麵 ($45)麻油及芝麻香濃，雞肉唔鞋口，就咁連埋青瓜食冰涼開胃，但如果放喺麵入面食，一冷一熱好正蕃茄豬肉餃子餃子形狀均一，皮唔係薄到透嗰種，不過咁又幾有咬口感。第一次食蕃茄餃子，入面非常多汁，雖然入面有好多豬肉，但因為微酸嘅蕃茄令餃子冇咁膩沙葛豬肉餃子沙葛好多而且大粒，食落超爽口，豬肉口感黏身，非常好味嘅配搭！芫荽豬肉餃子呢個係買返屋企食嘅，估唔到芫荽味咁香濃！好似食緊成斤芫荽，口味激清新，食完成個口都係香㗎！冇味精味道又唔會過鹹，又抵食，屋企唔煮飯的話，落嚟食啱晒！試呢3款餃子都非常滿意，豬肉唔肥之餘，蕃茄、芫荽及沙葛份量亦都非常慷慨，整體食起上嚟一啲都唔覺膩，會忍唔住食多好多隻！