Video
Read full review
2018-08-25
997 views
嚟大坑搵食， 好多次都係食日本菜，因為呢度除咗西餐，有唔少高質素嘅日式小店，而呢個舖位嘅都幫襯過幾次，呢晚再嚟，發現原來轉咗手，睇過食評都唔錯，都係居酒屋嘅風格，行過又有唔少客人，又再嚟試試。食物方面有刺身，壽司，小食，仲有係Bar枱前即制嘅串燒，另有一大個酒櫃，可配埋即切嘅風乾火腿，好啱一大班人嚟飲酒傾計。我吔唔飲酒，都有好幾款Moctails供選擇，揀咗No. 13 Punch，試下有幾特別，原來同Fruit Punch 差不多，整體都好夠fresh。壽司先揀個壽司盛六貫，另散叫咗三件壽司，餐牌上有分六貫／八貫／十二貫，想知係咩就要問店員，佢就會拎個平板電腦過嚟話你知。我吔揀嘅六貫有五件放係竹碟上，仲有一件蝦壽司就同其他散叫嘅用咗另一件碟上，相信呢個應該只係師傅隨心地放得靚靚地。每件壽司都好精緻，好明唔係連鎖店嘅大量生產貨色，飯唔會好易散，刺身亦好新鮮同夠凍。好味嘅刺身令人不得不encore，揀咗三文魚腩五切，一睇就知好夠肥美，亦放得好有心思。五件啱啱好，太多又會太膩。小食方我吔揀咗海膽茶碗蒸，雖然係比較普通嘅菜式，但都食得出佢嘅廚藝，佢其他配料唔多，只有少許蟹柳同肉粒，真正畀你食
食物方面有刺身，壽司，小食，仲有係Bar枱前即制嘅串燒，另有一大個酒櫃，可配埋即切嘅風乾火腿，好啱一大班人嚟飲酒傾計。
我吔唔飲酒，都有好幾款Moctails供選擇，揀咗No. 13 Punch，試下有幾特別，原來同Fruit Punch 差不多，整體都好夠fresh。
壽司先揀個壽司盛六貫，另散叫咗三件壽司，餐牌上有分六貫／八貫／十二貫，想知係咩就要問店員，佢就會拎個平板電腦過嚟話你知。我吔揀嘅六貫有五件放係竹碟上，仲有一件蝦壽司就同其他散叫嘅用咗另一件碟上，相信呢個應該只係師傅隨心地放得靚靚地。
每件壽司都好精緻，好明唔係連鎖店嘅大量生產貨色，飯唔會好易散，刺身亦好新鮮同夠凍。
好味嘅刺身令人不得不encore，揀咗三文魚腩五切，一睇就知好夠肥美，亦放得好有心思。五件啱啱好，太多又會太膩。
小食方我吔揀咗海膽茶碗蒸，雖然係比較普通嘅菜式，但都食得出佢嘅廚藝，佢其他配料唔多，只有少許蟹柳同肉粒，真正畀你食佢嘅蒸蛋。如果份量多番啲而唔係半碗，應該會更吸引。
想食啲菜，諗住叫個沙律食下，揀咗鱈魚乾柚子刺身沙津，有啲期望，點知令人失望，以為係有沙律菜嗰種，雖然個賣相幾特別，但完全冇菜，連柚子都應個只係個汁，冇見到有柚子肉，只係鱈魚乾包住啲刺身，味道係唔錯，但如果餐牌上寫清楚會好啲。
另外我吔就揀咗好幾款串燒...........
PRIME一口牛：食串燒當然唔可以唔叫牛肉啦，呢個個名仲好似好吸引，加上唔算貴 ($48)，仲好夠肉汁，完全係抵食。
鹽燒雞皮：我吔向來都唔係雞皮愛好者，但見餐牌上頭五款串燒都係雞皮類，就叫個最簡單試下，果然幾特別，店員仲強調雞皮有不飽和脂肪，係健康食物，食落又真係唔錯，燒嘅過程去除咗多餘嘅油份，食落唔會太油之餘又有啲脆口，真係值得一試。
燒茄子：呢個又係比預期中好味，以為佢會係一串兩至三件嘅茄子，厡來係加咗燒汁，芝麻，蔥花，茄子燒到好夠淋，有醬汁之餘又唔會太濃味，好味！
芝士白菌：食落似燒白蘑菇加上芝士，以為會有啲似錫紙包住嘅芝士焗白菌，佢嘅白菌燒得好香，但加上芝士感覺上有點唔太夾，也許只係燒白菌會好啲。
三文魚鯺：呢個比較少地方有，就算有都只係好小的兩片，但呢度都算多肉，以$18嚟講好抵食，個邊又燒得好夠脆口。讚！
燒三文魚頭：呢個係餐牌上冇嘅，我見佢有燒三文魚腩，連三文魚鯺，以佢餐廳嘅格局，冇理由冇燒三文魚頭，就好奇地問下店員，原來係有嘅，三文魚之外，仲有油甘魚等嘅燒魚頭。比較鐘意三文魚頭冇咁油，只係$45半個，就試下。可能係餐牌以外嘅食物，所以就要等下喇，同其他燒物一樣，都燒得唔錯，唔會好油，只係其中一件有啲過鹹，值得等二十分鐘！
Other Info. :
可能唔算多客人，店員好快就會幫客人收走枱上食完嘅碟，如果想同朋友專心傾計／怕會時常畀店員disturb，可能就唔適合嚟呢度傾計喇。
(The above review is the personal opinion of a user which does not represent OpenRice's point of view.)
Post
