Video
Read full review
2023-04-21
336 views
呢日去火炭朋友屋企玩佢就係火車站附近接我哋，跟住話先帶我哋去間好嘢道食正嘢，心諗喺火炭區會有咩好嘢食啊！點知佢帶咗我哋去門口靚到好似日本築地咁靚嘅水產店，嗰日我哋喺道食咗好多靚生蠔同埋刺身，估唔到喺火炭工業區入面都真係臥虎藏龍呀。呢間水產店個名叫做食餐好本店，紫色控老婆大人見到個門口直頭發咗癲，起勢喺道影相打卡真係俾佢笑死。跟住老闆好客氣請我哋入去睇佢哋嘅靚海鮮，入面真係包羅萬有細至鮑魚大到十幾斤重嘅長腳蟹，同埋龍蝦、象拔蚌同埋靚魚都有得賣。另外仲有日本直送嘅急凍海產、潮式丸、凍海鮮、新鮮刺身拼盤，同埋我老婆大人都好鍾意嘅生蠔都有得賣。呢個時候大家忽然海鮮癮起，原來呢度除咗批發都會做埋零售㗎，咁一於買啲生蠔同埋刺身就地正法啦哈哈。我哋點完鍾意嘅魚生老闆會即刻切俾我哋，可以望住佢喺度切同埋砌一盤勁靚嘅刺身拼盤真係好治癒。呢日咁啱南非生蠔做特價99蚊有半打，諗都唔使諗啦即刻嚟兩打蠔食喇喂。$16.5一隻嘅南非生蠔即開出嚟，隻隻都脹卜卜好鬼新鮮，加啲新鮮嘅檸檬汁落去食已經正到不得之了。刺身拼埋就堅囉有勁鮮甜嘅北海道海膽，仲有赤蝦、三文魚籽、三文魚、八爪魚、吞拿魚同埋象拔蚌刺身，樣樣都鬼咁新鮮
呢間水產店個名叫做食餐好本店，紫色控老婆大人見到個門口直頭發咗癲，起勢喺道影相打卡真係俾佢笑死。
跟住老闆好客氣請我哋入去睇佢哋嘅靚海鮮，入面真係包羅萬有細至鮑魚大到十幾斤重嘅長腳蟹，同埋龍蝦、象拔蚌同埋靚魚都有得賣。
另外仲有日本直送嘅急凍海產、潮式丸、凍海鮮、新鮮刺身拼盤，同埋我老婆大人都好鍾意嘅生蠔都有得賣。
呢個時候大家忽然海鮮癮起，原來呢度除咗批發都會做埋零售㗎，咁一於買啲生蠔同埋刺身就地正法啦哈哈。
我哋點完鍾意嘅魚生老闆會即刻切俾我哋，可以望住佢喺度切同埋砌一盤勁靚嘅刺身拼盤真係好治癒。
呢日咁啱南非生蠔做特價99蚊有半打，諗都唔使諗啦即刻嚟兩打蠔食喇喂。
$16.5一隻嘅南非生蠔即開出嚟，隻隻都脹卜卜好鬼新鮮，加啲新鮮嘅檸檬汁落去食已經正到不得之了。
刺身拼埋就堅囉有勁鮮甜嘅北海道海膽，仲有赤蝦、三文魚籽、三文魚、八爪魚、吞拿魚同埋象拔蚌刺身，樣樣都鬼咁新鮮堅掂檔。
除咗去鋪頭食之外可以外賣自取，買滿二千蚊附近火炭、沙田同埋馬鞍山區嘅客人有免費送貨，其他區可以代叫車送貨到付超方便。
食餐好本店 Eat Well Honten
電話：95413003
地址：火炭10-14號桂地街華麗工業中心地下5號舖
Post
