味道

Open Now

Now Closed

晏晝同另一半想去食東南亞嘢，見到好多介紹嘅呢間喺上環嘅舖頭叫味道，有泰國菜、越南菜、日本菜、南韓菜同其他東南亞嘢食，似乎可以滿足到好多願望，所以去咗試一試，但對於有選擇恐懼症嘅我哋，有啲困難。 晏晝去到，同預計一樣要排隊，不過條龍唔算特別長，而且可以用排隊嘅時間俾我哋慢慢揀嘢食，喺出面見到舖頭啲人食炸雞髀，實在太吸引，所以就叫咗一個炸雞髀配泰式冬陰功河粉，另外加多個越式香茅蔥油豬扒飯，再加多杯泰式奶茶。 個冬陰功河粉係唔錯，有好多舖頭做呢個湯底可能會變咗做冬陰功湯太濃，又或者好淡嘅湯粉，呢個湯底做得啱啱好，唔太濃亦唔太淡，其他香草配料嘅味道都突出，可惜佢嘅河粉唔係我最鍾意嘅闊河粉，不過都唔差，個雞髀唔係炸粉漿好厚嗰種炸雞髀，係生炸薄皮嗰種，炸雞髀分開上，唔會俾啲湯浸冧咗，我哋擺到最尾先食都仲脆，食嘅時候肉汁都多，雖然唔係特別大隻，但都尚算滿足。而個香茅蔥油豬扒飯，香茅同蔥油嘅比例唔錯，唔會話是但一樣搶晒啲味，佢配有一個豉油汁，我略略覺得佢嘅豉油唔係咩調過味嘅豉油，所以味道唔算突出，同埋比你自己加豉油，當然自己有得揀係好，但係如果佢哋直頭調好一個最理想嘅比例就會更加好，自己加，一加多咗就