新巴黎越南餐廳 (Closed)

呢間新巴黎越南餐廳其實真係算係幾好食架, 佢o係銅鑼灣金百利廣場5樓, 好方便, 行街成日都會經過, 不過就好少食, 因為金百利其實都已經有好多間食肆可以揀。今次因為係好多人, 間間都full, 一係就要等位, 所以入左黎食。叫左2個set, 就係 豬肉炒檬同埋醬汁豬扒飯。豬肉炒檬真係好好食呀, 佢d肉勁鮮甜, 而且個檬粉又好入味, 真係要試下呀。不過可能係叫左下午茶, 佢都幾細碟, 如果hungry or 當lunch ge話就唔係好夠飽。醬汁豬扒飯都勁好食呀, 佢有汁有蔥果d, 加埋塊豬扒真係幾正! 而且佢個扒係岩岩好, 一d都冇over cook, 又新鮮同埋好滑好好食。同埋佢已經切開左一舊舊, 好方便呀。不過佢d野飲就麻麻, 因為好多冰, 我地叫左少冰都有半杯係冰。