Video
Read full review
2022-10-03
3040 views
今年生日攞咗幾日假陪老婆大人，佢梗係會安排啲正菜比我啦！大家咪諗多咗呀係食嗰啲正菜咋！佢忽然話想食望月軒嗰個蜜汁火肪喎，我梗係冇問題二仔底死跟啦。一行入去就見到一樽樽自家手工釀製酒仲有好多款揀添，我一坐底就即刻叫咗有機檸檬養顔酒，二鍋頭酒精度夠晒高不過加咗檸檬又幾鬼好飲喎。我好鍾意以前喺荃灣第一間米線鋪嘅雲南汽鍋雞，所以一見到喱道餐牌有即叫，用正宗雲南汽鍋個樣就好掂喇！喱個加咗天麻不過飲落都幾香甜。老婆大人係筍痴所以叫咗碟天目山鹵筍尖比佢嘆吓，筍尖好夠味仲勁脆口食到佢鬼咁開心。清炒萵筍絲都炒得唔錯唔會水滴滴咁，味道唔會好咸食到萵筍嘅原味道。喱個就係老婆大人朝思暮想嘅宣威蜜汁火肪，跟埋一籠熱辣辣嘅蝴蝶餅，老婆大人拎起個蝴蝶餅跟手擺件火肪、青瓜同埋炸腐皮入去，夾好晒遞埋比我食真係服侍週到睇嚟I Phone 14應該走唔甩！一啖咬落去蝴蝶餅好鬆軟味道又鹹又甜唔怪得之佢咁鍾意食啦。鍾意食辣嘅佢仲叫咗個干鍋肥腸，整得夠乾身嘅豬腸夠肥膏辣得嚟好鬼香，唔食得辣嘅我唯有飲多兩杯茶解辣啦！！食到喱道好似差少少一於叫多碟蜜餞欖角骨嘆吓，平時對欖角冇乜好感不過老婆大人like嘛擦吓鞋都要嘅！估唔到喱個蜜餞欖
佢忽然話想食望月軒嗰個蜜汁火肪喎，我梗係冇問題二仔底死跟啦。
一行入去就見到一樽樽自家手工釀製酒仲有好多款揀添，我一坐底就即刻叫咗有機檸檬養顔酒，二鍋頭酒精度夠晒高不過加咗檸檬又幾鬼好飲喎。
我好鍾意以前喺荃灣第一間米線鋪嘅雲南汽鍋雞，所以一見到喱道餐牌有即叫，用正宗雲南汽鍋個樣就好掂喇！喱個加咗天麻不過飲落都幾香甜。
老婆大人係筍痴所以叫咗碟天目山鹵筍尖比佢嘆吓，筍尖好夠味仲勁脆口食到佢鬼咁開心。
清炒萵筍絲都炒得唔錯唔會水滴滴咁，味道唔會好咸食到萵筍嘅原味道。
喱個就係老婆大人朝思暮想嘅宣威蜜汁火肪，跟埋一籠熱辣辣嘅蝴蝶餅，老婆大人拎起個蝴蝶餅跟手擺件火肪、青瓜同埋炸腐皮入去，夾好晒遞埋比我食真係服侍週到睇嚟I Phone 14應該走唔甩！一啖咬落去蝴蝶餅好鬆軟味道又鹹又甜唔怪得之佢咁鍾意食啦。
鍾意食辣嘅佢仲叫咗個干鍋肥腸，整得夠乾身嘅豬腸夠肥膏辣得嚟好鬼香，唔食得辣嘅我唯有飲多兩杯茶解辣啦！！
食到喱道好似差少少一於叫多碟蜜餞欖角骨嘆吓，平時對欖角冇乜好感不過老婆大人like嘛擦吓鞋都要嘅！估唔到喱個蜜餞欖角骨嘅味道又幾唔錯喎！最正係排骨肥瘦啱啱好我都食得好滿意。
望月軒
電話： 21114558
地址：上環干諾道中168-200號信德中心西座3樓澳門廣場3017號舖
Post
