Passepartout

Open Now

Now Closed

星期六嚟佐敦睇完牙醫，即刻搵吓附近有乜嘢brunch好食。 見到好多人推介呢間cafe,心動即刻過來試下。 一嚟到門口，前面有一枱食客等緊位，我見唔係好多人都唔介意等下位。約15-20mins後，終於輪到我啦。入座前，staff都會講聲,進餐時間限時90mins。 入座後，職員放低兩張餐牌，心大心細嘅我揀咗都幾多人推介嘅Yorkshire。 呢間餐廳門口都keep住有人排隊，令到我對食物都十分期待。等咗1x分鐘終於有得食🤤熱辣辣嘅鬆餅用鐵鍋送上，再伴上茄汁豆同豬肉腸，賣相真係幾唔錯。味道方面: 單食嗰鬆餅，冇乜蛋香味之餘口感亦都唔鬆軟。配上側邊嘅茄汁豆同菠菜食，味道先唔會太單調。 至於配菜除咗有豬肉腸外，仲有塊叉燒同埋煎蛋，可惜嘅係叉燒太過乾身，口感比較*鞋*,中間嘅蛋黃 亦都唔係流心。整體嚟講，不過不失。除左食物外我覺得咖啡都係好重要，偏愛奶啡嘅我叫咗杯Cappuccino。呢杯咖啡無論係拉花定係杯具都令人賞心悅目，咖啡豆果香味偏重，再配合幼滑嘅奶泡，我個人覺得都幾唔錯。😗總括而言：食物味道普通，不過不失，咖啡唔錯。如果下次再嚟我會想試吓其他，因為聽到隔籬枱嘅食客評價都唔錯。