八户屋和食料理

Open Now

Now Closed

呢間大戶屋都算幾新下，之前食過幾次set lunch,今次就試下散叫。入到去都幾熱下，所以就叫咗杯抹茶雪糕奶昔，好大杯，不過就好似甜咗少少。之後就叫咗個炸蝦壽司，啲飯仲暖暖地，隻蝦都夠脆，都ok。跟住到燒牛脷，呢碟係我覺得最好食嘅，口感好正而且唔膩，好正。頭先個碟炸蝦壽司唔夠食，所以就叫埋海苔味。叫咗個炒野菜消消滯，不過多油咗啲。燒魷魚，幾香同埋好有咬口，不過凍咗少少。叫個飽肚啲嘅炒飯，不過啲味就普通咗少少，冇乜特別。刺身都好正下，好厚身所以好有口感。海膽同帶子都好正！最後嚟嘅係鯖魚，有少少淡，同埋熱啲會正啲！總括嚟講都唔錯，以後食嘢又可以多個選擇啦^_^