鮨樂 (新鴻基中心)

Open Now

Now Closed

呢間位於灣仔新鴻基中心1樓的日本餐廳真係唔錯，Set Lunch價錢略高不過真係物有所值，跟餐有湯同沙律，兩樣雖然係免費送嘅，不過味道一D都唔差。呢一個雜錦海鮮丼都真係唔錯，刺身嘅質素都幾高，好新鮮好好味，吞拿魚同埋個帶子都好出色。雜錦天婦羅丼定食份量足，直頭覺得天婦羅太多飯太少搞到唔夠飯去食餸咁樣，佢D天婦羅都做得好好，天婦羅漿粉薄薄的鋪面，兩隻天婦羅蝦都幾大隻，而且肉質都幾新鮮，D天婦羅野菜好好食。因為佢唸個係定食，所以仲有個蒸蛋跟埋。第三個餐係冷蕎麥麵壽司定食，呢D天氣食冷蕎麥麵真係好啱，又清爽又涼浸浸。呢個定食餐仲有5件壽司加兩件大卷物，都飽嘅，D壽司都幾新鮮。最後埋單每人大約$170，灣仔碼頭一帶坐得舒舒服服食Lunch而價錢又唔算貴嘅真係可遇不可求。