麥文記麵家

Open Now

Now Closed

今日一大早就比阿媽叫醒，話要我陪佢去食早餐，本來唔想去嘅，但都醒左了，甘就淋住同佢去麥文記食啦，我都好耐無食過佢地D牛腩啦。今日嚟到比較早，唔算多人，等左大概5分鐘就有位了。每次嚟呢度一定要點牛腩，佢地D牛腩好入味，而且唔肥膩，一半腩一半筋，當然系筋最好食啦，彈牙有嚼頭，牛腩香糯軟滑，分量又夠大。我點左雲吞麵，面系手打嘅竹升面，其他地方好少食到甘有頸道嘅面啦，雲吞就更值得一贊了，皮薄餡靚，一定要試下。阿媽就中意佢地嘅鮮蝦雲吞，首先湯底好正，到時可以連湯都飲埋，每只雲吞都有三四只鮮蝦，D蝦好彈牙，一啖咬落去，大大嘅滿足感啊。