MUM 日常野菜料理 (Closed)

有幾個素食朋友講個呢間喺Eaton hotel foodhall 嘅 Vegan 小店就嚟試一試見佢餐牌選擇揀三樣餸會有埋糙米飯加湯都係$100都算幾抵。因為選擇太多我就叫佢哋幫我揀三樣嘢食。最後就揀咗高野豆腐配胡麻蒟蒻最初食落去啲口感有啲奇怪，食下食下都幾鍾意因為啲胡麻醬同啲蒟蒻都好夾。啲豆腐口感比較鞋所以最初唔係好習慣有啲sponge cake口感不過第二三啖就慣咗啦。昆布汁煮蓮藕其實對啲蓮藕有少少失望不過如果你連埋上邊嘅海帶一齊食都唔錯嘅，不過我本來諗佢煮嘅煮法唔係咁樣。蘿蔔冬菇關東煑呢個好入味，不過有少少似煲湯嘅餸菜，都OK架不過我自己就好鍾意佢煲嘅湯，有好多料同埋好好飲，平時諗素菜湯就可能會口寡掛但係呢個唔會。糙米飯亦都軟硬適中。