滿記甜品 (Moved) New Location

同屋企人響西貢食完飯🍽，諗住攞車返屋企🏠，點知家姐忽然提意去食糖水，於是就近近地黎滿記。可能因為假日關係，所以好多人，但好彩等左幾分鐘就有位了😬。其實頭先餐飯大家都食到好飽🤭，所以只係點左榴槤班戟同兩個白雪仙草芋圓。榴槤班戟: 榴槤夠熟，好甜好香，但略嫌太多忌廉😋。白雪仙草芋圓: 係椰汁冰底加芋圓/香芋雪糕/涼粉/薏米/紅豆。芋圓夠軟熟，涼粉夠爽，加上椰汁冰配薏米同紅豆，清清甜甜，好好食👍🏼！響長假期既尾聲，用一個豐富既晚餐同甜品🍮作結尾，都好滿足了🥰。