譽滿點心專門店 (Moved) New Location

本身同朋友約左係樓下求其搵間餐廳食飯吹下水，咁啱就路過呢間譽發點心專門店。見佢裝修幾靚咁，我搬左黎咁耐又無幫襯過，就決定入去試下啦佢地既燈光夠光猛，座位寬敞舒服，好驚去到D逼逼狹狹既餐廳食野，好彩譽發無呢個問題我地就叫左青芥末子母蝦餃、蟹籽蒸燒賣、蜜汁叉燒包、家鄉咸水角同埋棗皇糕「青芥末子母蝦餃」👍🏻👍🏻👍🏻👍🏻蝦餃夠飽滿，蝦肉新鮮彈牙，無太多餘既肥豬肉加左青芥末又幾新奇，意外地夾但朋友都係認為鐘意普通蝦餃多啲~Haha「蟹籽蒸燒賣」👍🏻👍🏻👍🏻👍🏻👍🏻燒賣同蝦餃一樣無太多餘既肥豬肉蝦肉亦都係非常多同新鮮~佢比起蝦餃多一重口感，因為佢有瘦豬肉混和係入面同埋蒸得夠乾身，如果燒賣蒸得唔乾身會唔好食「蜜汁叉燒包」👍🏻👍🏻👍🏻👍🏻👍🏻次次飲茶都會叫叉燒包食，除左因為可以飽肚之外我本身好鐘意食個內餡佢呢度既叉燒包既內餡都好好味，絕對係高分因為個內餡好豐富多汁，叉燒粒夠香口，少肥肉，唔洗一路食一路揀返d肥肉返出黎多汁既叉燒包真係堅好食，起碼唔會食到個口勁乾，要邊食邊飲水「家鄉咸水角」👍🏻👍🏻👍🏻👍🏻估唔到佢既咸水角係熱辣辣架喎唔知佢既炸物係即叫即炸，定係咁啱我好彩撞正佢係啱啱新鮮炸起呢?熱辣辣既咸