Video
Read full review
2007-07-19
17 views
今日同老細同埋個客黎呢間餐廳食lunch,一個three-course lunch要$318(+10%),包括自助沙律吧或湯,主菜,甜品,餐茶。我地全部都揀湯,始終同客食野,行出行入唔方便,所以唔會叫自助沙律,不過湯都有好多款,我點左蘑菇忌廉湯,一黎就好香好大菇味,有點creamy,但唔會太膩,口感幾好;見到老細個法式洋葱湯一pat pat咁,真係唔知味道如何,但賣相就麻麻;客人果個係周打魚湯,睇落好正,仲加塊克力架,一定好好味,不過我會覺得太creamy,太heavy了!可以一提佢既法包,外脆內軟,配埋佢的牛油,唔錯,不過一大舊,唔係一小片,呢點唔係咁好,一個女仔可能食唔晒,咁又會嘥左,除法包外,另一様係一片片脆餅,呢個幾得意,唔用牛油都得,有少少香味,幾好!同埋佢除左牛油,仲有吞拿魚沙律醬,係一個驚喜!芏菜方面,我點三文魚,難得做到唔腥,同埋份量唔少喎,有三大件,厚切,不過有點肥膏,唔鞋口係佢既優勝之處;老細個燒雞,有兩大件雞,唔油,好香,見佢都好易切,雞肉都應該幾嫩;個客既煎劍魚反而令人覺得份量好少,只係一片,下面有些配菜,佢都好快食晒,睇落都似麻麻;佢另外有羊扒offer,但我
我地全部都揀湯,始終同客食野,行出行入唔方便,所以唔會叫自助沙律,不過湯都有好多款,我點左蘑菇忌廉湯,一黎就好香好大菇味,有點creamy,但唔會太膩,口感幾好;見到老細個法式洋葱湯一pat pat咁,真係唔知味道如何,但賣相就麻麻;客人果個係周打魚湯,睇落好正,仲加塊克力架,一定好好味,不過我會覺得太creamy,太heavy了!
可以一提佢既法包,外脆內軟,配埋佢的牛油,唔錯,不過一大舊,唔係一小片,呢點唔係咁好,一個女仔可能食唔晒,咁又會嘥左,除法包外,另一様係一片片脆餅,呢個幾得意,唔用牛油都得,有少少香味,幾好!同埋佢除左牛油,仲有吞拿魚沙律醬,係一個驚喜!
芏菜方面,我點三文魚,難得做到唔腥,同埋份量唔少喎,有三大件,厚切,不過有點肥膏,唔鞋口係佢既優勝之處;老細個燒雞,有兩大件雞,唔油,好香,見佢都好易切,雞肉都應該幾嫩;個客既煎劍魚反而令人覺得份量好少,只係一片,下面有些配菜,佢都好快食晒,睇落都似麻麻;佢另外有羊扒offer,但我地無人揀。
甜品就精彩喇,其實無得揀,但係難得今日竟然係ice-cream cake!!!雪糕係我既至愛,真係肥死都要食啦!而且好靚呀,一大隻碟,放係雪糕蛋糕,以白色為主,但係中間係紫色架,因為有莓做材料,凍凍地,甜甜地,酸酸地,so nice!
成個餐我最喜歡甜品,真係可以老套講句「為呢餐飯畫上完美句號」咯,哈哈!
Post