蘇媽.蘇媽馬來西亞茶餐室 (Closed)

今日同朋友去深水埗一日遊，見好多人都讚蘇媽好食，我地一於試過究竟。我地遲左11:35先到門口，已經要排6張枱，好釆只係等左15分鐘就入得去～一入去坐低我地已經決定好要試肉骨茶，同「辣死你嗎」。因為好口渴，順便叫左杯可樂，點知落左單後就有人俾左兩個碗我地，跟手倒左一大碗肉骨茶湯，早知就唔叫嘢飲啦😭飲一下湯，偏甜但好濃當歸味，超正👍🏻「辣死你嗎」的飯有淡淡的椰奶味，感覺好清新，加埋又濃又香的咖哩牛肉，同加左香芧的森巴醬，真是食唔停囗😄臨走前叫人加左肉骨茶湯，做左一個完美的總結