生記茶餐廳 (Closed)

等得耐，因為位少。不過OK，因為6:00開始等，唔太肚餓。人手唔夠，所以點菜/出品/埋單，樣樣都比一般慢。所以心急人勿去。另，一路食，一路望住架停咗喺前面的棺材車，對某啲人嚟講可能唔係咁舒服。講返嘢食，蟹粥係OK嘅，亦唔係太多味精。同海皇比，海皇多過佢好多好多...蜆仔春卷...蜆仔本身會有少少"UN"，所以我覺得蠔仔春卷好食啲...不過又唔係話好考手工/高難度...所以貴咗少少....一試OK，再食就唔大機會。蜆仔炒面，啲面好碎，面亦濕。蜆仔連売，所以食起上嚟都有啲麻煩。需要再改良吓至可以做招牌菜。結論，蟹粥係OK嘅，但其他嘢配合唔到。