Video
Read full review
2011-10-06
1828 views
好耐無再寫食評依間野我九月試過一次已經重來過. 所以我對佢既感覺係唔錯的. 尤記得第一次幫襯時候得兩個人, 老婆大人唔食肉, 但對於個牛肉拚盤好有興趣, 唯有照叫一碟不過一支公隊哂佢, 食到一半都覺得有d "漏", 所以印象都算深.第一次食只叫普通既湯底, 第二次再去就試佢既姬松茸瑤柱翅裙濃魚湯煲, 湯底好夠濃, 夠味, 用料亦算好足, 的確值得推荐. 我果次係飲哂個湯咁滯, 要再加湯(非原裝湯)先可以再食火鍋. 如果佢加番相同既湯就當然更好, 不過都理解機會不大.相信黎過既都有興趣佢既牛肉拚盤, 之前已經有朋友介紹過不用多講. 我覺得質素都唔錯, 要彈既係佢的確切得好薄而且唔算大塊, 所以計落的確係唔算抵食. 而可能真係太薄太細塊, 嚴格地唔係好食得出其牛肉有咩咁特別, 所以有D朋友既批評都可以理解. sashime 魚生, 切功比好多賣大路日本菜既都好, 都算值得一讚.其他既配料等, 大致上都正路屬平均或以上類別.相信最大問題係價錢. 佢地既貨色都算正路唔錯, 但以地區計係絕對偏貴. 好多朋友自然會用其他差不多收費既黎比較, 咁佢既貨色又未算最好, 就會更突顯佢
依間野我九月試過一次已經重來過. 所以我對佢既感覺係唔錯的. 尤記得第一次幫襯時候得兩個人, 老婆大人唔食肉, 但對於個牛肉拚盤好有興趣, 唯有照叫一碟不過一支公隊哂佢, 食到一半都覺得有d "漏", 所以印象都算深.
第一次食只叫普通既湯底, 第二次再去就試佢既姬松茸瑤柱翅裙濃魚湯煲, 湯底好夠濃, 夠味, 用料亦算好足, 的確值得推荐. 我果次係飲哂個湯咁滯, 要再加湯(非原裝湯)先可以再食火鍋. 如果佢加番相同既湯就當然更好, 不過都理解機會不大.
相信黎過既都有興趣佢既牛肉拚盤, 之前已經有朋友介紹過不用多講. 我覺得質素都唔錯, 要彈既係佢的確切得好薄而且唔算大塊, 所以計落的確係唔算抵食. 而可能真係太薄太細塊, 嚴格地唔係好食得出其牛肉有咩咁特別, 所以有D朋友既批評都可以理解.
sashime 魚生, 切功比好多賣大路日本菜既都好, 都算值得一讚.
其他既配料等, 大致上都正路屬平均或以上類別.
相信最大問題係價錢. 佢地既貨色都算正路唔錯, 但以地區計係絕對偏貴. 好多朋友自然會用其他差不多收費既黎比較, 咁佢既貨色又未算最好, 就會更突顯佢 overprice 既問題. 加上佢所處位置都算 "隔涉", 要靠熟客介紹的話應該要留意下.
服務員都係屬於 "九十後" 好似好時尚既後生仔(部分有染髮), 態度及服務尚算可以, 係欠d 主動. 不過相信時下依一代大部分都係咁, 所以都唔好咁大反應算了.
Post
