大哥雞飯去骨海南雞 (銀幕街)

Open Now

Now Closed

第一次去，叫咗一個Combo係招牌海南雞拼肉骨茶，再叫多個豬頸肉喇沙。豬頸肉喇沙份量好足，味道都唔錯豬頸肉唔會有豬味，煎得好香口不過就有少少紅，所以有幾件係冇食到喇沙嘅味道都唔錯，但我個人鍾意椰香，所以覺得佢爭少少椰奶。肉骨茶偏甜，冇乜藥材味。一碗都好多肉啲肉都好腍好入味。海南雞以去骨食落好方便，其他地方食海南雞好多時都會有啲生同埋有啲血跡，但係呢度就冇食得好舒服。海南雞亦都好滑叫咗個油飯，但係唔會好似出邊咁油淋淋有少少香味，所以呢個飯唔錯。個餐裏面仲有一碟迷你嘅菜，我其實覺得係呢一碟菜加晒分。通常啲餐廳送俾你嗰碟菜，求其烚吓就上嚟，而且唔係硬就係冇晒味，佢呢碟菜仔雖然好迷你，但係好入味，有湯底上，非常有心。會再去試吓其他食品。不過個男侍應可以嘗試俾啲笑容，木無表情好容易會令人哋覺得係黑口黑面。