Video
Read full review
2010-08-03
88 views
是日黎九龍城拎蛋糕，拎蛋糕之前當然要食個午餐先啦。由於是晚食意大利菜，所以下午還是來個較清淡開胃的好了，所以就黎左呢度食泰國菜。大概午飯時段黎到，間餐廳都幾多人，幾張檯都坐滿哂，要其他客人讓一讓位才有足夠位置坐。不過環境有點迫夾，坐得唔係太舒服啦。雖然話食d清淡開胃既食物，最後我地都叫左唔少野食。叫左一碗遊船河，份量幾細碗，不過一睇顏色都知湯底係濃味的。金邊粉食落夠滑又夠煙靱，口感幾好。材料主要有魚丸，豬肉和豬膶，魚丸味道幾鮮，豬膶夠淋而且的確好入味，不過我覺得好似味道過濃左少少有d腥呢。另外這碗有非常多九層塔，不好這味道的，就要小心避免啦。另外叫左蝦膏炒飯，阿姐說係用蝦頭既膏炒的，不過黎到都唔係好覺。本身單睇似係一個普通既炒飯多D，食落就只係有好少阿姐所講既蝦膏味。飯炒得麻麻乾身，落左好多蛋係我覺得好味既地方，其他就無咩特別啦。蝦隻雖多，不過唔夠爽身亦無咩鮮味的，一般一般。叫左一客糯米釀雞翼，因為佢既樣子非常吸引，呢個亦係要等最長時間先來到的。不過食落我都係覺得一般啦，雖然佢的確足料，雞翼表面炸得有點點香脆的，但食落都係好乾身，所以幾硬下好難咬，而且味道都幾淡，但其實相比飯麵我覺得這
大概午飯時段黎到，間餐廳都幾多人，幾張檯都坐滿哂，要其他客人讓一讓位才有足夠位置坐。不過環境有點迫夾，坐得唔係太舒服啦。
雖然話食d清淡開胃既食物，最後我地都叫左唔少野食。叫左一碗遊船河，份量幾細碗，不過一睇顏色都知湯底係濃味的。金邊粉食落夠滑又夠煙靱，口感幾好。材料主要有魚丸，豬肉和豬膶，魚丸味道幾鮮，豬膶夠淋而且的確好入味，不過我覺得好似味道過濃左少少有d腥呢。另外這碗有非常多九層塔，不好這味道的，就要小心避免啦。
另外叫左蝦膏炒飯，阿姐說係用蝦頭既膏炒的，不過黎到都唔係好覺。本身單睇似係一個普通既炒飯多D，食落就只係有好少阿姐所講既蝦膏味。飯炒得麻麻乾身，落左好多蛋係我覺得好味既地方，其他就無咩特別啦。蝦隻雖多，不過唔夠爽身亦無咩鮮味的，一般一般。
叫左一客糯米釀雞翼，因為佢既樣子非常吸引，呢個亦係要等最長時間先來到的。不過食落我都係覺得一般啦，雖然佢的確足料，雞翼表面炸得有點點香脆的，但食落都係好乾身，所以幾硬下好難咬，而且味道都幾淡，但其實相比飯麵我覺得這個已是較好的。
最後仲有蝦炒金邊粉，這個其實也是不好吃也不難吃，味道酸酸的，金邊粉有些會黏在一起。用上蛋，蝦還有豆乾去炒... 不過吃上去豆乾有點點凍的，所以......
總括覺得呢間唔難食，不過除左遊船河亦唔覺有咩特別好食，所以應該無下次啦。
Post
