樂天皇朝 (利舞臺廣場) (Moved) New Location

好鍾意食小籠包，所以知道樂天皇朝有好多有特色、唔同味道的小籠包，就覺得我一定要過黎一試~！呢日我地叫左八色小籠包、撈拌海中寶、上海炒飯同紅燒扣肉豬骨湯拉麵。八色小籠包：一盤有８隻味，都真係好有特色。由原味，食到絲瓜、鵝肝、黑松露、芝士、蟹粉 、蒜香同川味，由淡到濃咁食，每粒都湯汁飽滿，真係愈食愈有驚喜，滿足晒我呢個鍾意食小籠包人士的慾望。而撈拌海中寶，海蜇爽口彈牙，醬料 酸酸地，都幾開胃。上海炒飯則夠鑊氣，紅燒扣肉豬骨湯拉麵麵質彈牙，呢餐我食得都好滿足。