Video
Read full review
2018-07-30
69 views
講到好誇張咁...但係食完之後真係有一刻諗過唔好介紹出黎.. 想留返自私食🙊🙊但...最後都係決定好野需要齊齊分享☺同時亦希望對小店係一種支持啦❣店面望落超平凡...位於大窩口既舊式屋邨度雖然睇得出店招牌既設計幾sharp幾新式但唔係住呢度既話就真係要特登黎搵佢先會黎到呢!呢間店係名乎其實既小店黎.. 一眼睇晒開放式廚房+只可容納20人以內既座位雖然係咁。唔好睇少佢供應既甜品❤中式既有, 呢排hit既芋圓芋泥有,鮮果系既有,西式既心太軟同窩夫都有,連抹茶系既都一樣有!!🍵天氣熱☀先叫個芒果口味甜品消消暑~芒果樂天$38賣相望落會係比許留山差dd...但一食入口就知道以後可以淨係黎呢間食了💛切得大大粒的芒果肉勁鮮甜...係食完入口好想大叫一聲”好鮮甜呀～～～”既感覺😆(睇開我食評既朋友應該知我平時係好少會咁浮誇...但呢一個堅係真係太正喇...>v<)芒果汁一樣鮮甜...一定無溝冰粒❄爆珠固然多汁,呢度無落西米,取而代之既係更加爽口既水晶珠呢!球芒果雪糕就一般般無乜特別~最後...3.6奶凍係呢埋左係雪糕下面架~😆夠香滑同埋真係食到奶香🥛不過食完芒果再食佢奶味就相對無咁突
但係食完之後真係有一刻諗過唔好介紹出黎.. 想留返自私食🙊🙊但...最後都係決定好野需要齊齊分享☺
同時亦希望對小店係一種支持啦❣
店面望落超平凡...位於大窩口既舊式屋邨度雖然睇得出店招牌既設計幾sharp幾新式
但唔係住呢度既話就真係要特登黎搵佢先會黎到呢!
呢間店係名乎其實既小店黎.. 一眼睇晒開放式廚房+只可容納20人以內既座位雖然係咁。唔好睇少佢供應既甜品❤
中式既有, 呢排hit既芋圓芋泥有,鮮果系既有,西式既心太軟同窩夫都有,連抹茶系既都一樣有!!🍵
天氣熱☀先叫個芒果口味甜品消消暑~芒果樂天$38
賣相望落會係比許留山差dd...但一食入口就知道以後可以淨係黎呢間食了💛
切得大大粒的芒果肉勁鮮甜...係食完入口好想大叫一聲”好鮮甜呀～～～”既感覺😆
(睇開我食評既朋友應該知我平時係好少會咁浮誇...但呢一個堅係真係太正喇...>v<)
芒果汁一樣鮮甜...一定無溝冰粒❄
爆珠固然多汁,呢度無落西米,取而代之既係更加爽口既水晶珠呢!球芒果雪糕就一般般無乜特別~
最後...3.6奶凍係呢埋左係雪糕下面架~😆夠香滑同埋真係食到奶香🥛不過食完芒果再食佢奶味就相對無咁突出喇
但係大家留意返::: 呢一配咁正咁多料既芒果甜品只係需要$38咋
真係勁抵食..如果住近d就好我會瘋狂返黎食😂
野莓狂熱$50估唔到賣相同睇相一樣咁靚😍
以為會唔會芒果係呢度signature其他野會無驚喜...但真係唔會...士多啤梨一樣得🍓
首先見到咁大pat雪糕一定係忍唔住食佢先!!🍦
雲呢拿味略甜左少少...但口感非常順滑
同日本食既雪糕口感有得揮👍🏻
士多啤梨意想不到地好甜🍓而藍梅就食唔出咩味同埋得5粒架咋~~配上適量椰果~ 中間既沙冰都有淋上草莓醬同煉乳呢! 覺得有心思(曾經係其他甜品店食過hea hea乜味都無既沙冰...🍧)
宇治金時$38老老豆豆..叫呢個之前係抱住冒險一試既精神...因為已經係小店食到伏既抹茶甜品試過太多次...加上見到價錢唔貴, 都估有5成機會係伏...😂
但!!係!! 呢度又再一次比到驚喜我喇💚
以為呢度淨係水果制品好味, 咁就錯了...呢杯宇治金時令我食得返係日本食雪糕既感覺呀😋
原來呢度既抹茶甜品都係採用山政小園既優質抹茶製作而成既~ 難怪一食個軟雪糕已經好有係日本食既滋味😋
有抹茶既甘醇加牛乳既幼滑❤抹茶愛好者不可不試!!!
同行朋友就覺得單獨食雪糕太過甘苦,所以夾埋旁邊已被煮至微微起沙既紅豆粒一齊食就岩岩好喇: ) p.s.各人口味不同..我鐘意單獨食呢pat抹茶軟雪糕💚
呢一杯仲包左白玉丸子x1 &抹茶白玉x2我覺得好食過某著名抹茶甜品店的呢...🙊
煙韌度好足夠!!🍡
2個人食...愈叫愈多因為好食到傻左...@@
最後心思思想試埋呢度既西式甜品質素..所以就叫左個伯爵茶心太軟配3.6牛奶雪糕$60落單之後都一路聞到佢焗緊散發既香味!!😃
心太軟既口感係適中 再偏軟身少少, 個人覺得呢個口感係唔錯~
而伯爵茶味係好足的!!☕不過同行朋友就覺得陣茶味什至過於濃烈..濃到有d似中藥味😂
老實講呢一款唔係差, 但對比起上面三款甜品就顯得較遜色喇~但要補充返先... 呢一pat 3.6牛奶雪糕係超幼滑同白牛奶味!!😋🥛
榴槤豆腐花$38利申::: 我係唔食榴槤架🙅♀以下呢段評語係由同行朋友寫架~~~ XDD
"喜歡榴槤的朋友這個甜品一定不會令你失望!
食落有十分濃郁的榴槤香, 他的榴槤肉不會Hea你, 會俾足料
加埋佢個榴槤汁一起食連埋個豆腐花, 兩者好夾!"
總結:: 超級喜出望外的一頓高質甜品
亦係令我第一次有羨慕大窩口居民既感覺...😝😝
以下奉上小店既menu比大家參考下:
Post
