DIGREEN

Open Now

Now Closed

話說上次係澳門食呢個芫荽雪糕都唔記得係幾多年前，嗰陣時食完一次驚為天人，可惜澳門唔可以成日去，食完第一次已經係疫情，好幾年都無再食過。不過前排朋友講開先知Digreen原來已經香港開左，香港嘅口味更多，有最地道期間限定嘅香港檸檬茶，原味牛奶，藍莓芝士，黑糖珍珠，仲有勁高貴嘅金箔，我哋一行四人，當然一人一隻味，試哂話你知。芫荽雪糕當然係最得，比起之前佢更加之軟滑，芫荽味都更強。藍莓芝士又係強度一流，朋友推薦檸檬茶味，不過檸檬茶味就係用杯上，冇得食筒，但雪糕整體感覺都幾好。最後一定係最打卡嘅牛奶原味加金箔，好打卡又靚又好食。最正嘅係呢度食雪糕好細心有個兜俾你等你唔會食到成手都係。另外仲有好多飲品，啱哂呢個炎炎夏日，不過我最推介係佢嘅果茶系列，當日飲咗呢個鴨子浮在西柚上，入邊嘅西柚大件到不得之了，好足料，而且個飲品唔算太甜，另外仲有冰茶同埋芝茶類，大部分都唔錯，值得試。