猛男廚房

Open Now

Now Closed

今次又去香港工業中心 @ccmall.lck嘅美食廣場，食肉嘅選擇當然更多。日韓、西餐、越南，任君選擇。見到店名咁特別，緊係咪試下食西餐嘅猛男廚房 Food Court環境 睇下上面餐牌先 叫意粉跟餐送南瓜忌廉湯、黑糖麻糬 南瓜湯非常Creamy，同埋一般南瓜湯都會好甜，呢度調得鹹啲，會有多啲湯嘅感覺。蒜片欖油香辣白酒蜆肉意粉 $58意粉採用日本多汁飽滿大蜆肉配意大利橄欖油，意粉嘅蒜味好香，之後辣味慢慢滲出，好有層次，之後就到橄欖油嘅香味。白酒味道唔係好出，但真係可以辟走海產唔多唔少嘅腥味。 威尼斯奶油芝士甜pizza （6吋細厚pizza）$55本身Pizza嘅餡料有各種融化拉絲芝士。 食之前要落煉奶，鹹鹹甜甜，感覺幾得意。