Video
Read full review
2019-06-07
44 views
今次再黎尖沙咀嘅商廈發掘好野食。樓上餐廳一段地方都不大，但呢到格局整潔，比人嘅感覺就唔會狹小迫夾。大約7點左右到餐廳，唔洗等位即可入坐，但坐咗一陣就突然全店差唔多滿坐，下次黎都係打電話book定穩陣。呢到嘅侍應大多係年青人， 殷勤有禮，做野都好快手。餐廳提供幾款晚市套餐，有海鮮有飯有麵有排類，牛排三百幾，其他都係二百幾，包前菜、餐湯、主菜同飲品。中意海鮮嘅我哋就叫咗個套餐A $228（烤燒大啡菇、焗釀北海道帶子、虎蝦意大利飯配龍蝦汁），主菜有三款食品感覺上好似好抵跟餐嘅香煎紅鯛魚田園沙律配青檸蜜糖油醋汁望到侍應拎呢碟野上枱嘅時候仲想話無叫過，佢話係跟餐沙律我都唔信，咁大份？！成個主菜咁啵！平常出面西餐d跟餐沙律都係一細碗，配菜都係一兩片薄片，呢到係一大碟，塊魚魚排黎架！菜新鮮，魚肉肥美，煎得香口唔會乾。一個前菜已經令我哋充滿期待。餐湯係南瓜濃湯，南瓜味好香甜好濃湯好味但我更加中意呢到嘅歐洲風味麵包，上枱時仲係暖暖的。平時食包我都係沾湯食，因為唔中意加牛油，但呢到有blueberries jam，唔太甜唔太酸酸，有一種清新感覺，幾開胃，所以我唔洗沾湯食，果醬配小麵包主菜黎啦～以為佢會三樣
餐廳提供幾款晚市套餐，有海鮮有飯有麵有排類，牛排三百幾，其他都係二百幾，包前菜、餐湯、主菜同飲品。中意海鮮嘅我哋就叫咗個套餐A $228（烤燒大啡菇、焗釀北海道帶子、虎蝦意大利飯配龍蝦汁），主菜有三款食品感覺上好似好抵
跟餐嘅香煎紅鯛魚田園沙律配青檸蜜糖油醋汁
望到侍應拎呢碟野上枱嘅時候仲想話無叫過，佢話係跟餐沙律我都唔信，咁大份？！成個主菜咁啵！平常出面西餐d跟餐沙律都係一細碗，配菜都係一兩片薄片，呢到係一大碟，塊魚魚排黎架！菜新鮮，魚肉肥美，煎得香口唔會乾。一個前菜已經令我哋充滿期待。
餐湯係南瓜濃湯，南瓜味好香甜好濃
湯好味但我更加中意呢到嘅歐洲風味麵包，上枱時仲係暖暖的。平時食包我都係沾湯食，因為唔中意加牛油，但呢到有blueberries jam，唔太甜唔太酸酸，有一種清新感覺，幾開胃，所以我唔洗沾湯食，果醬配小麵包
主菜黎啦～以為佢會三樣野分開，點知會混埋咗一齊......啡菇大大隻好juicy，飯粒煙煙韌韌有口感，帶子都好鮮甜但份量太少了
除咗套餐，呢到都有幾款前菜同甜品可以散叫。
火灸半熟吞拿魚伴柚子味噌醬（$88）
柚子醬好清香，吞拿魚内滑外香，口感特別
芝士焗松葉蟹膏大啡菇（$68）
芝士味濃，有少少蓋過蟹膏味道，但濃郁香菇味就點都蓋唔住啦
日本原個鮮果雪葩（跟餐 $60）
原個蜜桃雪葩比較少有，味道清甜
Post
