Video
Read full review
2021-09-27
17 views
🍴Basmati "印度皇"🔍上環干諾道中137-139號三台商業大廈1樓-----好耐之前同舊同事黎過食午餐，尤記得餐廳午市時間窗邊位採光十足，座位環境寬闊好坐，食物質素亦是不俗，今晚心血來潮突然想食印菜，就再次過黎拜訪一下。🍴Pani puri $88波波狀炸米餅香脆可口，中間釀滿凍食嘅薯仔，倒上少少透橙色嘅微酸微甜薄荷汁，整體口感層次多變，頗有特色，而且有得倒汁又幾好玩😆，未試過的話，幾值得一試。🍴Aloo gobi $78🧅洋蔥、🥕紅蘿蔔、🥔薯仔及椰菜花均煮得非常軟腍，咖哩味中略帶椰香，當中尤愛粉綿薯仔，入味非常，令人欲罷不能。🍴Fish Makhani $88Makhani即奶油汁，唔食辣又愛咖喱的話，這款較為香甜嘅咖喱口味會係唔錯嘅選擇。魚肉有經炸過再煮，雖不易散開，不過炸皮略厚，食落咬感顯得過於厚實，唔炸用煎可能會更為合適。🍴Green onion naan $29 有咖喱點可以冇烤餅，呢款佈滿香蔥嘅烤餅質感綿密有致，帶青蔥香氣，而且盛載嘅盤中細心地鋪有吸油紙吸油，令薄餅質感乾爽。🍴Garlic chicken $96全晚最驚艷嘅食物。雞件無骨且極度嫩滑，調味濃淡平衡得當
🔍上環干諾道中137-139號三台商業大廈1樓
-----
好耐之前同舊同事黎過食午餐，尤記得餐廳午市時間窗邊位採光十足，座位環境寬闊好坐，食物質素亦是不俗，今晚心血來潮突然想食印菜，就再次過黎拜訪一下。
🍴Pani puri $88
波波狀炸米餅香脆可口，中間釀滿凍食嘅薯仔，倒上少少透橙色嘅微酸微甜薄荷汁，整體口感層次多變，頗有特色，而且有得倒汁又幾好玩😆，未試過的話，幾值得一試。
🍴Aloo gobi $78
🧅洋蔥、🥕紅蘿蔔、🥔薯仔及椰菜花均煮得非常軟腍，咖哩味中略帶椰香，當中尤愛粉綿薯仔，入味非常，令人欲罷不能。
🍴Fish Makhani $88
Makhani即奶油汁，唔食辣又愛咖喱的話，這款較為香甜嘅咖喱口味會係唔錯嘅選擇。魚肉有經炸過再煮，雖不易散開，不過炸皮略厚，食落咬感顯得過於厚實，唔炸用煎可能會更為合適。
🍴Green onion naan $29
有咖喱點可以冇烤餅，呢款佈滿香蔥嘅烤餅質感綿密有致，帶青蔥香氣，而且盛載嘅盤中細心地鋪有吸油紙吸油，令薄餅質感乾爽。
🍴Garlic chicken $96
全晚最驚艷嘅食物。雞件無骨且極度嫩滑，調味濃淡平衡得當，雞肉下面亦擺放咗好多蔬菜，有紅蘿蔔，洋蔥同雜菜絲等等，吸曬d油份，食落唔會感覺油膩。
🍸青檸礦泉水$42/🥭芒果酸奶$37
前者清新解膩，同濃味印度菜非常合拍，後者酸甜開胃，質感細滑，可惜甜度較高，未必適合一般香港人口味，如果真係有興趣試，建議order時候要求少甜。
-----
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
Post
